Popular Bible Verses from Numelo 13

Share

Na fakagato loa e Kalepo a lalau ala na kamata fai loa e le kakai kia Moisese. Na pati loa a ia : Ke tou ano nei o too le fenua ma tatou, talie e tou malo loa !

Na motou tio foki i ai ki ni tagata lalasi fakaii, ko vosa o Anake : I lamatou tio na motou fai kia latou pe ni seseivaka, ti na toe felaaki foki lalatou tio kia matou.

Kae na pati loa le kau tagata ala na ano mo ia : E leaise mafai ke tou ano o taui le kakai lena talie e lotou makeke lasi ake ia tatou.

Ti na lotou kamata lauveli loa ki le fenua leia na lotou ano o tioi. Na lotou pati loa : Ko le fenua leia na matou taka ai, o tioi, ko se fenua leia e tamate ia latou ala e nonofo i ai ; e tagata lalasi fuli le kakai katoa leia na motou tio ki ai.

Ko leinei le nea leia na lotou fakamatala loa kia Moisese : Na motou ano ki le fenua leia na ke kakau matou ki ai. E maoki ai ko se fenua a ia e apele i le sua manu mo le sua meli, ti ko nei ona fuai laakau.

Kae e makeke le kakai leia e nofo i le fenua lena, ti e lalasi a kolo, ti e takatakai latou ki ni a fatu makeke. Na motou tio foki i ai ki ni fanau a Anake.

E nofo le kau Amaleke i le saute o le fenua. E nofo le kau Iti, mo le kau Sepusi, ti mo le kau Amole i le mauga. E nofo le kau Kanaane i le mata tai mo kauvai o le Solotane.

I lalatou kaku ake, na lotou ano loa kia Moisese, mo Alone, mo le kakai katoa o Iselaele, i Katesi i le toafa o Palani. Ti na lotou fakamatala loa kia latou a nea fuli ala na lotou tio ki ai, ti na lotou fakatio loa latou ki fua o le fenua.