Popular Bible Verses from Maleko 6

Share

Na pati loa Sesu kia latou : Kotou au ki se ganea lavaki, o malolo fakaikiiki. Talie na toka api latou na ano mo latou na au, ti na leaise lotou maua fua se ga temi ke kai ai.

Kae na pati loa Sesu kia latou : E nukinukii le polofeta i lona fenua totonu, mo lona fale, ti mo lona famili.

I lana ifo i le vaka, na tio loa Sesu ki se kakai lasi, ti na aloalofa loa a ia kia latou, talie kua lotou faipe ni ovi ala e leaise maua ia se tagata tausi ovi ; ti na kamata ako loa e ia kia latou ni nea mauke.

Na leaise mafai loa ke fai e ia i ai se milakulo e tasi, kae na teki fua e ia ona lima ki ni iki masaki, o fakamauli latou. Ti na ofolele a ia ki lolatou tui gataa. Na folii e Sesu a kolo i le takatakai, o akonaki.

Na too loa e Sesu a fa pane e lima mo ga ika e lua, ti na tagaki loa ona mata ki le lagi, o fakafetai. Ti na tofitofi loa e ia a fa pane, o soli ki le kau tisipulo, ke lotou tufa ki le kakai. Na toe vae foki e ia a ga ika e lua kia latou fuli. Na lotou kai fuli loa ti na lotou makokona loa, ti na ave loa ni polapola e kau agafulu tupu lua kua apele i potu pane mo toei ika.