Popular Bible Verses from Maleko 5

Share

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Ti na i ai se fafine leia na pupuke talu mei fetuu e kau agafulu tupu lua. Na mamae lasi ai le fafine lena i lima o ni toketa toka api, ti na puli lasi a ia i lolatou totogi, kae na leaise maua fua e ia se ga fimalie, ti na asilisili ake lona veli.

I le lakaga fai lena na gato loa lona pupuke, ti na logoi loa e ia i lona tino kua mauli a ia i lona masaki.

Na too loa e Sesu le lima o le toe, o pati kiate ia : Talitha koumi, ko lona uiga : E kau pati atu, taine, tuu ki aluga !

I lana lolotoga masau, na kaku ake loa ni kakai mei le fale o le pule o le sinakoka, o pati : Kua mate lou taine ; kolea e ke toe fakapakia ai ki le pule ? Kae na leaise tokaga Sesu ki masau ana, ti na pati a ia ki le pule o le sinakoka : Aua na ke i, kae ke ke tui fua.

Talie na pati Sesu kiate ia : Mavae i le tagata lena, laumalie veli ! Ti na vesili loa Sesu kiate ia : Ko ai lou igoa ? Na tali loa a ia kia Sesu : Ko loku igoa ko Lesio, talie e motou toka api.