Popular Bible Verses from Maleko 1

Share

I le usu, koi fakapouli ai, na tuu ake loa a ia, o ano ki se ganea lavaki, leia na faikole ai loa a ia.

Na pati a ia : Kua soko le temi, ti kua ofi mai le puleaga o le Atua. Kotou fakasemala, ti kotou tui ki le logo malie.

I le lakaga leia na mavae ai a ia mei le vai, na tio loa a ia ki le mavaa o le lagi, ti mo le Laumalie Maokioki e ifo kiate ia ofaipe se lupe. Ti na fakasa loa e se leo mei le lagi a folafola anei : Ko loku Alo alofaina a koe, leia kua kau tuku ki ai loku alofa katoa.

Ko au, na kau papitema koutou ki le vai ; kae e papitema loa e ia koutou ki le Laumalie Maokioki.

Na pati loa Sesu kia laua : Kolua muli mai iate au, ti e kau fakaliliu loa koulua ko ni tautai tagata. I le lakaga fai lena, na la tuku loa ola kupega, kae na la mulimuli loa iate ia.

Na lotou ofolele i lana akonaki ; talie na akonaki a ia ofaipe se tasi leia e nofo mo se pule, kae na leaise akonaki a ia ofaipe le kau sekelipa.