Popular Bible Verses from Mateo 28

Share

Kotou ano, kotou fai ni tisipulo i puleaga fuli, o papitema latou i le suafa o le Tamana, mo le Alo mo le Laumalie Maokioki, ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Na fakafeofi ake loa Sesu o masau kia latou, o pati : Kua tuku mai kiate au a pule fuli i le lagi mo le kele.

Kae na masau loa le aselo, o pati ki fafine : Kia koulua, aua na kolua i ; talie e kau iloa e kolua afa Sesu leia na tutuki i le koluse. E leaise nofo a ia i leinei ; kua toe tuuake a ia ofaipe lana fakasa ia. Kolua au o tio ki le ganea leia na moe ai a ia

Ti na pati loa Sesu kia laua : Aua na kolua i ; kolua ano o pati ki oku fetaina ke lotou ano ki Kalilea : I ai e lotou tio loa kiate au.

Na fakatasi loa le kau pule faisakilifisio mo le kau fakamatuatua, ti na lotou loto tasi loa ke soli se paaga lasi ki le kau solia, o pati : Kotou pati : Na au ana tisipulo i le pouli o kaia a ia, kae motou momoe. Ti kapau e logo loa le kovana ki le nea lena, e motou fakamalu ia loa lona loto, kae motou saofaki loa koutou. Na too loa e le kau solia le paaga, o mulimuli ki le fakatuutuu leia kua tuku ake kia latou. Ti na mafola loa le logo lena i le kau Sutea, o kaku mai ki le aso nei.