Popular Bible Verses from Ekesote 9

Share

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Na pati loa le Eteleno kia Moisese : Ano kia Falaone, ti ke pati loa kiate ia : Ko leinei le folafola a le Eteleno, le Atua o le kau Epeleo : tuku loku kakai ke ano, ke lotou tausi kiate au.

Kanapau na kau folasi loku lima, o kau tautea a koe ki le mate, a koe mo lou kakai, kua ke puli nei i aluga o le malama nei.

e to loa le lima o le Eteleno ki au kau manu ala e nonofo i faisaga, ki osi, mo asino, mo kamelo, mo pipi, ti mo ovi ; e lasi loa le mamate. E vaei kese loa e le Eteleno a kau manu a Iselaele mei kau manu a le kau Esipito, ti e leaise mate loa se manu fua e tasi i manu fuli a fanau a Iselaele.

e kau fakato loa apogipogi, i le ola leinei, se ua fatu leia e kese oki ake lona makeke, ti e leikiaise maua sona tatau i Esipito nei, talu mei le fakatuu o Esipito o kaku mai ki le aso nei. Koia ke ke tanaki ai ki se ganea malumalu au kau manu mo au nea fuli ala e maua i faisaga. E to loa le ua fatu ki tagata fuli mo manu fuli ala e maua i faisaga ti na leaise fakaulu ki fale, ti e lotou mamate loa.

E liliu loa le mugalafu lena ko se efu leia e kofu ia loa le fenua katoa o Esipito ; ti e fakatupu loa e le efu lena ni fakafufula mo ni papala i tagata mo manu o le fenua katoa o Esipito. Na too loa e Moisese mo Alone se mugalafu o se gutuumu, ti na la ano loa ki mua o Falaone. Na laku loa e Moisese le mugalafu ki le lagi, ti na mafuta loa i tagata mo manu ni fakafufula mo ni papala.