Popular Bible Verses from Ekesote 10

Share

Na pati loa le Eteleno kia Moisese : Ano kia Falaone, talie kua kau fakafefeka ia lona loto mo le loto o ana tagata fakasausau, o tupu ke fakasa ai aku fakamailoga i loto malie o latou. Ti toe tupu foki ke ke fakamatala ki lou vosa mo le vosa o lou vosa le nea leia na kau fai ki le kau Esipito, ti mo fakamailoga ala na kau fakasa i loto malie o latou. Ti ke kotou iloa ko au ko le Eteleno.

Na pati loa le Eteleno kia Moisese : Siki lou lima ki le lagi, ti ke vilo se fakapouli ki le fenua katoa o Esipito, io, se pouli matotolu. Na siki loa e Moisese lona lima ki le lagi ; ti na vilo loa se fakapouli matotolu i le fenua katoa o Esipito i aso e tolu. Na leaise toe mafai loa ke fetioaki, ti na leaise toe malaga loa se tasi mei lona nofolaga i aso ana e tolu. Kae na maua loa le malama i ganea leia na nonofo ai a fanau a Iselaele.

Ti na siki loa e Moisese lana tokotoko ki le fenua o Esipito ; ti na fakaagi loa e le Eteleno se matagi mei le potu Esite ki le fenua i le aso katoa lena mo le po katoa lena. I le pogipogi usu na aumai loa e le matagi o le potu Esite ni seseivaka. Na mafolafola loa a seseivaka i le fenua katoa o Esipito, ti na lotou fakavilo loa ki le fenua katoa o Esipito. Na kese oki le lasi o seseivaka, na leikiaise soko se nea felaaki i mua, ti e leaise toe soko loa se nea felaaki ki muli.