Popular Bible Verses from Wulo 3

Share

menli kɔsɔɔti ɛyɛ ɛtane na bɛnfɛta Nyamenle anyunlunyia ne. Ɔlua mgbɔdalɛ mɔɔ Gyisɛse Kelaese ɛva ɔ nwo ɛli la azo, Nyamenle ɛlolɛ ne mɔɔ ɔfa ɔkyɛ mgbane la maa menli muala sɔ ɔ nye.

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua

Nyamenle ɔdaye ɔvale Gyisɛse ɔmanle, amaa ɔlua ye ewule ne azo yeayɛ menli ɛtane nwo mgbɔdalɛ boane, wɔ bɛ diedi mɔɔ bɛkɛnyia ye wɔ ye nu la azo. Nyamenle yɛle ɛhye vale hilele ye tenleneyɛlɛ ne. Mɔmoane, ɔzile abotane na ɔbule ɔ nye ɔguale menli ɛtane zo; na kɛkala ɔ nee menli di wɔ bɛ ɛtane nwo, ɔfa ɔkile ye tenleneyɛlɛ ne. Nyamenle dua adenle ɛhye azo kile kɛ ɔle tenlenenli na ɔmaa awie biala mɔɔ die Gyisɛse di la sɔ ɔ nye.

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Nyamenle Edwɛkɛ ne se, “Awie biala ɛnle ɛkɛ mɔɔ le tenlenenli a, Kyɛkyɛ ko bɔbɔ ɛnle ɛkɛ. Biala ɛnlɛ ndelebɛbo, biala ɛmkpondɛ Nyamenle abo zo. Menli kɔsɔɔti ɛde Nyamenle anwo atua; biala ɛvo, yɛɛ biala ɛnli boɛ, kyɛkyɛ, ko bɔbɔ ɛnle ɛkɛ.

Ɔluakɛ yɛnwu kɛ sonla mɔɔ die Nyamenle di la yɛɛ Nyamenle maa ɔsɔ ɔ nye a, na tɛ mɔɔ di mɛla ne azo la ɔ.

Kyɛkyɛ, ɔnle zɔhane fee. Saa menli ɛnli nɔhalɛ bɔbɔ a Nyamenle bahɔ zolɛ ali nɔhalɛ dahuu. Nyamenle Edwɛkɛ ne se, “Ɔwɔ kɛ bɛkile wɔ bɛmaa ɛka nɔhalɛ; na bɛdi wɔ edwɛkɛ a wɔali benle.”