Popular Bible Verses from Wulo 4

Share

Ye diedi ne anga aze wɔ Nyamenle ɛwɔkɛ ne anwo, na ye diedi ne manle ye anwosesebɛ na ɔyele Nyamenle ayɛlɛ. Ɔliele ɔlile bɔkɔɔ kɛ Nyamenle kola yɛ mɔɔ yeha la maa ɔbo zolɛ.

Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

Ebileham liele Nyamenle ɛwɔkɛ ne lile na ɔmanle ɔ nye lale zo ɛsesebɛ, wɔ mekɛ mɔɔ ɛnee anyelazo ɛwie la, kɛ ɔbayɛ “maanle maanle bɛ ze.”

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

“Nyilalɛ ɛha bɛdabɛ mɔɔ Nyamenle ɛva bɛ ɛtane ɛhyɛ bɛ na yeheda bɛ ɛtane ne mɔ azo la! Nyilalɛ ɛha sonla ne mɔɔ Awulae ɛmbu ye ɛtane nwo mgbonda la!”

Nyamenle Edwɛkɛ ne se, “Ebileham liele Nyamenle lile, na ye diedi ne ati Nyamenle liele ye dole nu kɛ ɔle tenlenenli.”