Popular Bible Verses from Ade 7

Share

Na Ɛdɛnkɛma zele Mosisi kɛ, “Nea, meyɛ wɔ kɛ ɛle Nyamenle wɔ belemgbunli ne anye zo, na ɛ diema Aalɔn ayɛ wɔ kpɔmanvolɛ.

Mebamaa belemgbunli ne ayɛ dapele. Kanza mebɔ me sɛkɛlɛneɛ nee me nwanwane ninyɛne ne mɔ anwo mɔnwo mɔnwo wɔ Yigyibiti azɛlɛ zo bɔbɔ a, belemgbunli ne ɛnrɛdie wɔ. Na mebadea Yigyibitima kpole bie na meava nyɛleɛ mgbole mɔɔ kile ndeanlɛ la meaye me menli Yizilayɛma meavi Yigyibiti azɛlɛ zo.

Saa mefa tumi kpole metea Yigyibitima, meye me menli Yizilayɛma mefi Yigyibiti a bɛanwu kɛ medame a mele Ɛdɛnkɛma a.”

Akee belemgbunli ne vɛlɛle ye nrɛlɛbɛvolɛma nee ngonyiama mɔɔ wɔ Yigyibiti la, na bɛdabɛ noko bɛyele ngonyia ko ne ala bie. Bɛvuandinle bɛ agbɔma ne mɔ bɛguale aze na agbɔma ne mɔ hakyile nwɔlɛ. Na Aalɔn ɛwɔlɛ ɛdeɛ ne memenle bɛ nwɔlɛ ne mɔ.

Yemɔti kɛ Ɛdɛnkɛma se la ɛne, ‘Ɛhye bamaa wɔanwu kɛ medame a mele Ɛdɛnkɛma a. Mefa kpɔma ye mɔɔ melɛ la meabɔ azule Naele ye anu, na ɔbahakyi mogya.

“Saa Yigyibiti belemgbunli ne se bɛ kɛ bɛyɛ nwanwane debie bɛhile kɛ bɛle nɔhalɛ a, wɔmɔ Mosisi, ka kile Aalɔn kɛ, ‘Fuandi wɔ kpɔma ne to belemgbunli ne anyunlu ɛkɛ maa ɔhakyi ɛwɔlɛ.’ ” Yemɔti Mosisi nee Aalɔn hɔle belemgbunli ne ɛkɛ hɔyɛle mɔɔ Ɛdɛnkɛma zele bɛ la. Aalɔn vuandinle ye kpɔma ne dole belemgbunli nee ye mgbanyima ne mɔ anyunlu ɛkɛ na ɔhakyile ɛwɔlɛ.