Popular Bible Verses from Ade 6

Share

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Mebava bɛ meahɔ azɛlɛ ne mɔɔ menganle ndane kɛ mebava meamaa Ebileham, Ayezeke, nee Gyekɔbo la azo. Mebava meamaa bɛ meamaa yeayɛ bɛ ɛdeɛ bɔkɔɔ. Medame a mele Ɛdɛnkɛma a.’ ” Mosisi hanle ɛhye hilele Yizilayɛma, noko bɛandie ye, ɔboalekɛ bɛ nwo ɛvɔ yɛɛ bɛtɛbɔ atisesebɛ akɛlɛzonlenlɛ nu.

Na Ɛdɛnkɛma zele Mosisi kɛ, “Akee ɛbanwu debie mɔɔ mebava meahile belemgbunli ne la, ɔluakɛ ɔlua tumi kpole zo ɔbamaa bɛahɔ, ɛhɛe, ɔlua tumi kpole zo akee bɔbɔ ɔbavoa bɛ kɛ bɛvi ye maanle ne anu bɛhɔ.”