Popular Bible Verses from ʻO KA ʻEPISETOLE A PAULO KA LUNAʻŌLELO I KO ROMA 3

Share

no ka mea, ua lawehala nā mea a pau, ua nele hoʻi i ka nani o ke Akua, ua hoʻāpono wale ʻia mai ma kona lokomaikaʻi, no ka hoʻōla ʻana ma o Kristo Iesū lā

ʻO ia hoʻi ka hoʻāpono ʻana o ke Akua, ma ka manaʻoʻiʻo aku iā Iesū Kristo, no nā mea a pau, a ma luna hoʻi o ka poʻe a pau e manaʻoʻiʻo ana; ʻaʻole mea ʻokoʻa

ʻo ia kā ke Akua i hāʻawi mai ai i mōhai kala hewa ma ka hilinaʻi i kona koko, i mea e hoʻākāka ai i kona hoʻāpono ʻana, i ke kala ʻana i nā hewa i hana ʻē ʻia ma mua, i ke ahonui ʻana o ke Akua; i mea e hoʻākāka ai i kona hoʻāpono ʻana, i kēia manawa; i pono ʻo ia, a i mea hoʻāpono hoʻi i ka mea manaʻoʻiʻo iā Iesū.

No laila ma ka hana ʻana ma ke Kānāwai, ʻaʻohe kanaka e hoʻāpono ʻia i mua ona; no ka mea, ma ke Kānāwai ka ʻike ʻana i ka hewa.

e like me ka mea i palapala ʻia, “«ʻAʻole loa he mea pono, ʻaʻole hoʻokahi. “ʻAʻole nō he mea i ʻike, ʻAʻole hoʻi he mea i ʻimi i ke Akua. “Ua pau lākou i ka hele hewa, ua lilo lākou i poʻe pono ʻole; ʻAʻole loa he mea e hana ana i ka maikaʻi, ʻAʻole loa hoʻokahi.”

No laila, ke manaʻo nei mākou, ua hoʻāpono ʻia mai ke kanaka ma ka manaʻoʻiʻo, ʻaʻole ma nā hana o ke Kānāwai.

ʻAʻole loa ia; akā, e hōʻoiaʻiʻo ʻia aku ke Akua ke hoʻopunipuni nā kānaka a pau: me ka mea i palapala ʻia, “«I hoʻāpono ʻia ai ʻoe i kāu ʻōlelo ʻana mai, A i lanakila hoʻi ʻoe i kou hoʻāhewa ʻana mai».”