Popular Bible Verses from ʻO KA ʻEPISETOLE A PAULO KA LUNAʻŌLELO I KO ROMA 4

Share

ʻaʻole hoʻi ia i kānalua i ka ʻōlelo ʻana mai a ke Akua, ma ka hoʻomaloka; akā, ua ikaika ia ma ka manaʻoʻiʻo, e hoʻonani ana i ke Akua; a ua maopopo leʻa kona manaʻo e hiki nō iā ia ke hoʻokō mai i ka mea āna i ʻōlelo mai ai.

(e like me ka mea i palapala ʻia, “«Ua hoʻolilo au iā ʻoe i makua no nā lāhui kanaka he nui nō»,”) i mua o ke alo o ke Akua āna i manaʻoʻiʻo ai, ka mea i hāʻawi i ke ola no ka poʻe make, a i ʻōlelo hoʻi i nā mea i hana ʻole ʻia, me he mau mea lā i hana ʻia.

ka Mea i hāʻawi ʻia no ko kākou hewa, a ua hoʻāla hou ʻia mai i hoʻāpono ʻia ai kākou.

ʻO ia ka mea, i mua o ka manaʻolana, i paulele ai me ka manaʻolana, e lilo ia i makua no nā lāhui kanaka he nui nō; e like me ka mea i ʻōlelo ʻia, “«Pēlā nō kāu poʻe mamo».”

No laila, ma ka manaʻoʻiʻo ia, i hāʻawi lokomaikaʻi ʻia mai ia; i ʻoiaʻiʻo ai ka ʻōlelo hoʻopōmaikaʻi na ka poʻe mamo a pau, ʻaʻole na nā mea ma ke Kānāwai wale nō; akā, na nā mea hoʻi ma ka manaʻoʻiʻo o ʻAberahama; ʻo ia ka makua o kākou a pau

“«Pōmaikaʻi ka poʻe i kala ʻia ko lākou hala, A i uhi ʻia ko lākou hewa. “Pōmaikaʻi ke kanaka ke hoʻopili ʻole ka Haku i ka hewa iā ia».”

He aha ka mea a ka Palapala Hemolele i ʻōlelo mai ai? “«Ua manaʻoʻiʻo ʻo ʻAberahama i ke Akua, a ua hoʻolilo ʻia hoʻi ia i pono nona».”