Popular Bible Verses from KA ʻEUANELIO I KĀKAU ʻIA AI E MATAIO 2

Share

Komo lākou i loko o ka hale, a ʻike akula i ua Keiki lā a me kona makuahine ʻo Maria, a moe ihola lākou, hoʻomaikaʻi akula iā ia; a wehe aʻela lākou i ko lākou waihona waiwai, hāʻawi akula lākou nāna i ke gula, a me ka libano, a me ka mura.

¶ A hānau ʻia ʻo Iesū ma Betelehema i Iudea, i ke kau iā Herode ke aliʻi, aia hoʻi, hele maila nā māgoi mai ka ʻĀina Hikina mai a Ierusalema, i ka ʻī ʻana mai, “Ai lā i hea ka Mea i hānau iho nei i Aliʻi no ka poʻe Iudaio? No ka mea, ua ʻike mākou ma ka ʻĀina Hikina i kona hōkū, a ua hele mai nei mākou e kukuli hoʻomaikaʻi iā ia.”

A ʻike aku lākou i ua hōkū lā, hauʻoli nui loa aʻela lākou.

A ma ka moeʻuhane, pāpā ʻia mai lākou, ʻaʻole e hoʻi hou aku i o Herode lā, a ma kekahi alanui ʻē aʻe i hoʻi aku ai lākou i ko lākou ʻāina. ¶ A hala akula lākou, aia hoʻi, ʻikea akula ka ʻānela a ka Haku e Iosepa i ka moeʻuhane, ʻī maila, “E ala, e lawe i ke Keiki a me kona makuahine, a holo aku i ʻAigupita; ma laila e noho ai, a ʻōlelo hou aku au iā ʻoe; no ka mea, e ʻimi mai ana ʻo Herode i ke Keiki, e pepehi iā ia.”