Popular Bible Verses from KA ʻEUANELIO I KĀKAU ʻIA AI E MATAIO 3

Share

“E hua aʻe ʻoukou i ka hua e kū i ka mihi.

Aia hoʻi, he leo mai ka lani mai, e ʻī mai ana, “ʻO kaʻu Keiki punahele kēia, ka Mea aʻu i ʻoliʻoli loa ai.”

A bapetizo ʻia ʻo Iesū, a laila, piʻi koke maila ia mai ka wai mai; aia hoʻi, hāmama aʻela ka lani nona, a ʻikea akula ka ʻUhane o ke Akua e iho mai ana me he manu nūnū lā, a kau ihola ma luna iho ona.

“ʻO wau nō ke bapetizo aku nei iā ʻoukou i ka wai, no ka mihi; akā, ʻo ka Mea e hele mai ana ma hope oʻu, he nui aku kona mana i koʻu, ʻaʻole au e pono ke lawe i kona mau kāmaʻa; nāna ʻoukou e bapetizo aku i ka ʻUhane Hemolele a me ke ahi.

“ʻĀnō hoʻi, ke waiho nei ke koʻi lipi ma ke kumu o nā lāʻau, a ʻo kēlā lāʻau ʻo kēia lāʻau e hua ʻole mai ana i ka hua maikaʻi, e kua ia i lalo a e kiola ʻia aku ia i ke ahi.

ʻO ia nō ka mea i ʻōlelo ʻia mai e ke kāula e ʻIsaia, i ka ʻī ʻana mai, “«Ka leo o ka mea e kala ana ma ka wao nahele, ‘E hoʻomākaukau ʻoukou i alanui no Iēhova, E hana i kona mau kuamoʻo i pololei»!’”