Popular Bible Verses from 1 Maŋtsɛmɛi 18

Share

Heremɔ mi nɔ! Ao Yehowa, heremɔ mi nɔ, koni maŋ nɛɛ kɛna ale akɛ bo, Yehowa, ji Nyɔŋmɔ; ni asaŋ akɛ bo nɔŋŋ oŋɔɔ amɛtsuii ekpale kɛba ekoŋŋ!”

Shwane niyenii afɔle be lɛ, Gbalɔ Elia tsi ebɛŋkɛ afɔleshãa latɛ lɛ, ni esɔle ekɛɛ, “Ao Yehowa, Abraham kɛ Isak kɛ Yakob Nyɔŋmɔ, hã ana ale ŋmɛnɛ akɛ bo ji Israel Nyɔŋmɔ lɛ, asaŋ akɛ bo otsulɔ ji mi, ni owiemɔ naa mifeɔ nii nɛɛ fɛɛ yɛ.

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

Kɛkɛ ni Yehowa hã la gba kɛbabote afɔle lɛ mli, ni eshã afɔle lɛ kɛ lai lɛ kɛ tɛi lɛ kɛ su lɛ, ni nu lɛ tete ni yɔɔ bu ni bɔle afɔleshãa latɛ lɛ mli lɛ ŋala wɛɛ.

Be ni maŋ lɛ fɛɛ na nɔ ni eba lɛ, amɛkɛ amɛhiɛiaŋ bumɔ shi, ni amɛbolɔ amɛkɛɛ, “Yehowa lɛ, lɛ ji Nyɔŋmɔ! Yehowa lɛ, lɛ ji Nyɔŋmɔ!”

Shii kpawo lɛ sɛɛ lɛ, tsulɔ lɛ kɛɛ Elia akɛ, “Naa, atatu bibioo ko ni edaaa fe gbɔmɔ nine miite shi kɛmiijɛ ŋshɔ lɛ mli.” Kɛkɛ ni Elia kɛɛ etsulɔ lɛ akɛ, “Yaakɛɛ Ahab akɛ, ‘Saamɔ otayaa shwiili lɛ koni okpeleke shi koni nu lɛ akatsi onaa.’ ”

Shi Yehowa hewalɛ lɛ bayi Elia nɔ; kɛkɛ ni emĩa, ni ewo foi kɛyi Ahab hiɛ kɛtee Yezreel tɔ̃ɔ.

Kɛkɛ ni Elia kɛɛ Ahab akɛ, “Agbɛnɛ yaa koni oyaye nii ni onu nɔ ko ejaakɛ minu nugbɔ shiimɔ he kɛmiiba.”

Kɛkɛ ni ekɛɛ etsulɔ lɛ akɛ, “Kwɔɔ kɛya gɔŋ lɛ nɔ koni okwɛ ŋshɔŋgbɛ.” Tsulɔ lɛ tee eba, ni ebakɛɛ lɛ akɛ. “Nɔ ko nɔ ko bɛ jɛi gbɛ.” Elia kɛɛ etsulɔ lɛ akɛ, “Yaa shii kpawo ni oyakwɛ.”

Kɛkɛ ni Elia kɛɛ maŋbii lɛ fɛɛ akɛ, “Nyɛtsia nyɛbɛŋkɛa mi.” Maŋ lɛ tsi bɛŋkɛ lɛ. Kɛkɛ ni Elia saa Yehowa afɔleshãa latɛ ni ekumɔ lɛ.

Enɛ sɛɛ lɛ, nyɛsɔlea nyɛtsɛa nyɛnyɔŋmɔ lɛ, ni mi hu masɔle matsɛ Yehowa; amɛteŋ mɔ ni kɛ la baahere tsɛmɔ lɛ nɔ lɛ, lɛ ji Nyɔŋmɔ.” Maŋbii lɛ here nɔ kɛɛ akɛ, “Eja nakai!”

Elia kɔlɔ tɛi nyɔŋma kɛ enyɔ, yɛ Yakob, mɔ ni Yehowa kɛɛ lɛ akɛ, “Abaatsɛ bo Israel” lɛ bii lɛ akutsei lɛ ayikulɛ naa

Shwane mli lɛ Elia ye Baal gbalɔi lɛ ahe fɛo, ni ekɛɛ, “Nyɛbolɔa waa, ejaakɛ nyɔŋmɔ ji lɛ! Eko lɛ benɛ eeshwie eyiŋ, aloo eje kpo, aloo edom, aloo eko lɛ ewɔ koni ehiɛ atsɛ̃.”

ni ekɛ tɛi lɛ mã afɔleshãa latɛ yɛ Yehowa gbɛi mli. No sɛɛ lɛ, etsa bu ni baaye nu litai nyɔŋma kɛ ejwɛ kɛbɔle afɔleshãa latɛ lɛ he kpula.