Popular Bible Verses from 1 Maŋtsɛmɛi 19

Share

Shikpɔŋ lɛ hosomɔ sɛɛ lɛ, la je; shi Yehowa bɛ la lɛ mli; ni la lɛ sɛɛ lɛ, kɔɔyɔɔ nyrakee ko gbɛɛ kɛho.

ni ekome enyiɛ gbi kome jenamɔ gbɛ kɛtee ŋa lɛ nɔ. Eyata shi yɛ tso kusuu ko shishi, ni ebɔ̃i gbele shwee. Ekɛɛ akɛ, “Ao Yehowa, efa agbɛnɛ, ejaakɛ mihiii fe mitsɛmɛi lɛ.”

Yehowa kɛɛ Elia akɛ, “Jee kpo koni oyadamɔ gɔŋ lɛ nɔ, ejaakɛ Yehowa baaho.” Kɛkɛ ni Yehowa baho: ahum ni naa wa ko tswa, ni egbala gɔji, ni ejwra tɛsai kɛnyiɛ Yehowa hiɛ; shi Yehowa bɛ ahum lɛ mli. Ahum lɛ sɛɛ lɛ shikpɔŋ hoso, shi Yehowa bɛ shikpɔŋhosomɔ lɛ mli.

Be ni Elia nu gbɛɛmɔ nyrakee lɛ he lɛ, ekɛ ehiɛ hɔ etade yuu lɛ mli, kɛkɛ ni eje kpo, ni eyadamɔ tɛkplo lɛ naa. Kɛkɛ ni gbee ko bi lɛ akɛ, “Elia, mɛni ofeɔ yɛ biɛ?”

Eyashɛ tɛkplo ko he yɛ jɛi, ni ewɔ jɛi nakai gbi lɛ gbɛkɛ lɛ. Trukaa lɛ Yehowa bi lɛ yɛ jɛi akɛ, “Elia, mɛni ofeɔ yɛ biɛ?”

Kɛkɛ ni Elia te shi, ni eye nii, ni enu nu eshwie nɔ. Niyenii nɛɛ mli hewalɛ lɛ ji nɔ ni hã enyɛ enyiɛ shwaneshwane kɛ nyɔɔŋnyɔɔŋ gbii nyɔŋmai ejwɛ kɛtee Nyɔŋmɔ Gɔŋ Horeb lɛ he.

Kɛkɛ ni eho ekã tso kusuu lɛ shishi, ni ewɔ. Trukaa lɛ ŋwɛi bɔfo ko bata ehe, ni ekɛɛ lɛ akɛ, “Tee shi koni oye nii!”

Yehowa bɔfo lɛ ba ekoŋŋ, nɔ ni ji shii enyɔ nɔ; ebata ehe, ni ekɛɛ Elia akɛ, “Tee shi ni oye nii, kɛjeee nakai lɛ, gbɛfãa lɛ baadɛŋ bo tsɔ̃.”

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

Elia kwɛ ehe, ni ena aboloo ni ashã yɛ tɛi ni edɔ anɔ kɛ kpulu kɛ nu ma eyitsogbɛ. Eye nii lɛ, ni enu nu lɛ, kɛkɛ ni eho ekã shi ekoŋŋ.

Kɛkɛ ni Yezebel tsu bɔfo kɛtee Elia ŋɔɔ ayakɛɛ lɛ akɛ, “Nyɔŋmɔi lɛ atswa mi nɔ koni magbo kɛji wɔ benɛ yinɔ lɛ mifeko bo bɔ ni ofee gbalɔi lɛ pɛpɛɛpɛ.”

Shi fɛɛ sɛɛ lɛ mashwɛ hiɛkãalɔi akpei kpawo yɛ Israel, mɛi fɛɛ ni kulako shi amɛjako amãgã Baal kɛ mɛi hu ni shɔko amãgã lɛ naa lɛ.”

Elia shi jɛi; eyanina Shafat bi Elisha ni eekwɛ tsinai ntai ni miihu nɔ. Tsinai ntai nyɔŋma kɛ enyɔ nyiɛ ehiɛ, ni lɛ diɛŋtsɛ lɛ ekɛ naagbee tsinai nta lɛ miihu. Be ni Elia hoɔ Elisha he lɛ, ejie etade yuu ni ewo lɛ, ni ekɛwo Elisha.

Kɛkɛ ni Elisha ku esɛɛ, ni eyamɔmɔ tsinai nta ni ekɛhuɔ lɛ, ni egbe amɛ, ni ekɛ tsinai lɛ akuɛŋtsei lɛ fee lai, ni ekɛhoo amɛloo lɛ. Ekɛ loo lɛ hã maŋbii ni ekɛ amɛ tsuɔ nii lɛ, ni amɛye. Kɛkɛ ni Elisha tee, ni eyanyiɛ Elia sɛɛ akɛ etsulɔ.

Elisha shi tsinai lɛ, ni esha foi kɛyi Elia sɛɛ, ni ekɛɛ lɛ akɛ, “Hã maya koni mayashɔ mitsɛ kɛ minyɛ naa koni mikɛ amɛ aye shɛɛ dani mabanyiɛ osɛɛ.” Elia to he ekɛɛ, “Kuu osɛɛ koni oya, shi moŋ ohiɛ ahi nɔ ni mifee bo lɛ nɔ.”