Popular Bible Verses from Romanos 12

Share

Ma' a cuxtale'ex je'el bix u ya'alic le yóokolcaaba'; ba'ale' kexe'ex a tuucule'ex u ti'al ca túumbenchajac a cuxtale'ex. Beyo' je'el a wojéeltique'ex máacalmáac u yóolal Kue', u káat u ya'ale' le ba'ax ma'alobo', ba'ax utz tu t'aano' yéetel ba'ax jach tu beel.

Bey túuno' sucu'une'ex, quin káat óoltic te'ex tu yo'olal u ch'a'a óotzilil Kue', ca a kub a wíinclile'ex bey jun p'éel cuxa'an siibal, jun páaycuna'an yéetel kambe'en tu táan Ku. Lela' leti' u jaajil kultajil unaj a dzáique'exo'.

Cuxlene'ex yéetel qui'imac óolal tu yo'olal le alab óolal yaan te'exo'; yanac te'ex chuca'an óolal quéen mukyajnaque'ex. Payalchi'inene'ex mantadz.

Ma' a cha'ic u dzáancha'atiquech le kaaso'. Ba'ale' dzáancha'at le kaas yéetel le utzo'.

Unaj a yaabilticaba'ex ta baatzile'ex yéetel u yaacunajil sucu'untzilo'ob, ca a táanilcunte'ex u láako'ob yéetel ca a te'escuntaba'ex ta baatzile'ex.

Yanac te'ex yaacunaj x ma' ca'a p'éel ichil ta baatzile'ex. P'ecte'ex le kaaso', beete'ex le utzo'.

Je'el bix cu pa'ata'al ti' te'exo', beetex tac tu'ux cu páajtal a cuxtale'ex ich jéedzel yéetel tuláacal máac.

In yaabilaj sucu'une'ex, ma' a sutique'ex le loob cu beeta'al te'exo', ba'ale' p'ate'ex u bo'olil tu kab Ku; tumen le Quili'ich Dzíibo' cu ya'alic: Teen unaj in jaadz, teen quin bo'ol, cu ya'alic Yuumtzil.

Mukulmuknene'ex, ma' a ma' óolta'ale'ex, meyajte'ex Yuumtzil yéetel tuláacal a pucsi'ikale'ex.

Tu yo'olal le siibal utzil dza'an teen tumen Kuo', quin wa'alic ti' tuláacale'exe', mix jun túul ca u tucult tu yo'olale' maanal ti' le unaj u tucultico'. Tu jujun túule' unaj u tuucul yéetel cabal óolal, je'el bix u p'i'isil le ocsaj óolal dza'an ti' tumen Kuo'.

Ma' a bo'otique'ex kaas yéetel kaas ti' mix máac. Il a wile'ex a beetique'ex ba'al utz tu táan tuláacal máac.

Bisajba'ex ma'alob ta baatzile'ex. Ma' u ca'analtal a wiche'ex, ba'ale' quetaba'ex yéetel le máaxo'ob cabal u yóolo'obo'. Ma' a tucultique'ex jach canbalnaja'ane'ex.

Cu ya'alic xane': Wa a aj p'eec wi'ije' dzáa ba'al u jaante, wa ukaje', dzáa ja' u yuke'; tumen le quéen a beet beyo', ca beetic u sublactal u yich.

Qui'iqui' t'aante'ex le máaxo'ob ch'a'apachtique'exo'obo'. Qui'iqui' t'aante'ex, ma' a loolob t'aane'ex. Qui'imacchajac a wóole'ex yéetel le máaxo'ob qui'imac u yóolo'obo', yéetel okolnene'ex yéetel máaxo'ob cu yokolo'obo'.

Áante'ex le ocsaj óolo'obo' yéetel ba'ax kabéet ti'obo'; Kame'ex ma'alob le máaxo'ob cu xíimbaltique'exo'obo'.

Tumen je'el bix ti' jun p'éelili' wíinclil yaan to'on ya'ab xéexet'ale', ba'ale' ma' ti' jun p'éelili' ba'al cu meyaj le xéexet'alo'obo', bey xan to'on quex ya'abo'one', chéen jun p'éelili' wíinclil nupa'ano'on ti' Cristo, bey xan nupa'ano'on t baatzile' je'el bix u xéexet'al jun p'éelili' wíinclile'.