Popular Bible Verses from Romanos 13

Share

Ba'ax unaj a beetique'exe', búucbesaba'ex yéetel Yuumtzil Jesucristo bey je'el bix u nookil ba'atele', yéetel ma' a tucultique'ex a beetique'ex ba'ax cu dzíiboltic le wíinclila'.

Ma' a p'axique'ex mix ba'al ti' mix máac, wa ma' chéen le u p'aaxil yaacunaj a p'axme'ex ta baatzile'exo'; tumen le máax u yaabiltmaj u láake', yéetel lelo' dzo'oc u beetic le ba'ax cu ya'alic le a'almaj t'aano'.

Tuláacal máac unaj u yantal tu yáanal u páatalil le jalach wíinico'obo'. Tumen mina'an páajtalil wa ma' ti' Junab Ku u taali', yéetel le jalach wíinico'ob yano'obo' dza'ano'ob tumen Ku.

Le áakabo' ta'itac u máan, táan u náadzal le kiino'; le o'olal unaj c p'atic le ba'ax cu beeta'al ichil éekjoche'enilo', yéetel c búuquintic u nookil ba'atel je'el bix le soldado'ob cu máanelo'ob ti' le sáasilo'.

Le máax yaan u yaacunaj ti'e' ma' tu beetic kaas ti' u láak, bey túuno' le a'almaj t'aano' cu dzo'ocbesa'al ma'alob yéetel le yaacunajo.

Bo'ot ti' tuláacal máaque' le ba'ax unaje'. Ti' máaxo'ob unaj a bo'otique'ex le áantajo'obo', bo'ote'ex le áantajo'obo'; ti' máax unaj a bo'otique'ex le páatano'obo', bo'ote'ex le impuesto'obo', máax unaj a tziquiltique'exe', tziquilte'ex: máax unaj a chíin pooltique'exe' chíin poolte'ex.