Popular Bible Verses from Romanos 11

Share

Tumen ti' Ku u taal tuláacal ba'al, beeta'ab xan tumen leti' yéetel u ti'al leti'. ¡Nojbe'enil ti' Ku u ti'al kiino'ob mina'an u xuul! Amén.

¡Buca'aj taamil u ayikalil Ku, yéetel u kaj óolalil bey xan u na'at! Ma' tu páajtal c tzolic ba'ax cu tucultic u beetic, mix cu páajtal c ch'a'a nu'uctic u beelo'ob.

Tumen ¿máax dzo'oc u ch'a'a nu'uctic u tuucul Yuumtzil? ¿Wa máax tzol u xiquin?

Bey xan bejela'e', p'aatal dze'edzec ti'ob, máaxo'ob yéeyano'ob tumen Ku tu yo'olal u yutzil. Wa tu yo'olal u yutzil Kue' ma' túun tu yo'olal ba'ax cu beetic máac tu juunal yóoli'; tumen wa beyo', u siibal Kue' ma' túun siibal utzili'.

Dze'edzec ti' le judíob je'el bix u jach kabo'ob le olivoo', j ch'a'aco'ob u ti'al ca t'a'abaquech teech máaxech bey u kab le olivo'. Bey kuchiquech táccpajal ti' u mootz yéetel ti' u cuxtal le olivo'. Ba'ale' ma' a tucultic mas ma'alobech ti' le máaxo'ob jach u kabo'ob le olivoo'. Wa ca tuculticabáa mas ma'alobeche', ka'ajac teche' ma' teech tzéentic le mootzo', ba'ale' le mootz tziquiquecho'.