Popular Bible Verses from Romanos 10

Share

Wa yéetel a chi' ca cáantic Jesús bey a Yuumtzile' yéetel ca wocsaj óoltic ta pucsi'ikal líiksa'ab ti' le quíimil tumen Kuo', bíin yanac teech tocsajil.

Tumen yéetel le pucsi'ikalo' cu yúuchul ocsaj óolal u ti'al ca dza'abac máac ma'alob tu táan Ku, yéetel le chi' túuno' cu cáanta'al Jesucristo u ti'al ca yanac tocsajil ti' máac.

Bey túuno' le ocsaj óolalo' cu taal tu yo'olal le u'uyajo', le ba'ax cu yu'uba'alo' u ma'alob péectzil Cristo.

Le Quili'ich Dzíibo' cu ya'alic: Tuláacal le máax cu yocsic u yóol ti'e' mix bikin bíin pa'ajac u subtal. Mina'an u jela'anil le judíob yéetel le ma' judíobo', tumen Yuumtzile' u Yuumtzil tuláacal, utz xan u pucsi'ikal yéetel le máaxo'ob ch'a'a chi'itic u kaaba'o'. Tumen bey u ya'alic: Tuláacal le máax ch'a'a chi'itic u kaaba' Yuumtzile' bíin to'ococ.

¿Bix cu bin u tze'ectico'ob le ma'alob péectzilo' wa mina'an mix máac túuxtico'ob? Je'el bix cu ya'alic le Quili'ich Dzíibo': ¡Buca'aj jadzutzil u yooco'ob le máaxo'ob taasico'ob u péectzilil jedzel óolal, yéetel cu tze'ectico'ob le ma'alob péectzilo'!

Ba'ale' ¿bix cun u ch'a'a chi'ito'ob u kaaba' wa ma' yocsaj óolto'obi'? ¿Bix cun u yocsaj óolto'ob wa ma' u yu'ubo'ob u yúuchul t'aan tu yo'olali'? ¿Bix cun u yu'ubilo'ob wa mina'an mix máac u ti'al tze'ectic ti'ob le ma'alob péectzilo'?

Tumen Cristoe' leti' u xuul u ya'almaj t'aan Moisés yéetel cu beetic u yantalo'ob ma'alob tu táan Ku tuláacal le máaxo'ob cu yocsico'ob u yóol ti'e'.