Popular Bible Verses from Éxodo 6

Share

Bey túuno' xeen a wa'al ti' le j israelitaobo', teen Yuumtzile', bin in ca'aj in lukeso'ob ti' le palitzilil yéetel ti' le talam meyajo'ob iquil u ye'edzelo'ob tumen le j egipciobo'. Bíin in chóol in páajtalil yéetel u nucuch meyajilo'ob ti'ibil óolal, u ti'al in jáalkabtique'ex.

Bíin in ch'a'ex bey in caajale', ca in beetinbáa a Kuex. Beyo' bíin ojéelta'ac tene' Yuumtzilen a Kuex máax lukese'ex ti' le talam meyajo'ob dza'an te'ex ca'ach tumen le j egipciobo'.

Bíin in bise'ex ti' le lu'um tin séeb chi'itaj ti' Abraham Isaac yéetel Jacob, in dzáic a ti'alinte'exo'. Tene' Yuumtzilen. Lelo' Moisese' tu ca'a a'alaj ti' le j israelitaobo', ba'ale' leti'obe' ma' tu táan óoltajo'obi' tumen jach luba'an u yóolo'ob tu yo'olal le talam palitzililo'.

Yuumtzile' tu núucaj ti': Bejela'e' bíin a wil ba'ax quin in beet ti' le faraono', tumen chéen yéetel yajil bíin u cha'a a jóokole'ex tu caajal, ma' chéen lelo', leti' bíin u tojolch'inte'ex.