Popular Bible Verses from Efesios 5

Share

Tumen te'ex u yaabilaj paalal Kue', il a wile'ex a béeytale'ex je'el bix leti'e'. Cuxlene'ex ich yaacunaj, je'el bix tu yaabiltilaco'on Cristo yéetel tu kubjubáa t o'olal, je'el bix jun túul j taman quiimsa'an yéetel dza'an ich qui'iboquil tu t'aan Kue'.

Le o'olale', il a wile'ex bix a xíimbale'ex. Ma' a cuxtale'ex bey máaxo'ob mina'an u na'ato'obe' ba'ale' bey máaxo'ob yaan u na'ato'obe'. Ma' a chéen máansaj kiine'ex tumen kasa'an le kiino'obo'.

Ma' a cáaltale'ex yéetel vino tumen lelo' cu bisic máac ti' sa'atalil; ba'ax unaje' a chu'upule'ex yéetel Quili'ich Pixan. t'aanene'ex ta baatzile'ex yéetel salmo'ob, himno'ob yéetel quili'ich kaayo'ob, kaaynene'ex yéetel qui'iqui' t'ante'ex Yuumtzil yéetel tuláacal a pucsi'ikale'ex. Mantadz dza'ex nib óolal ti' Ku le taatao' tu yo'olal tuláacal ba'alo'ob tu kaaba' c Yuumtzil Jesucristo.

Ma' a béeytale'ex bey ma' na'ate'; Il a wil a na'atique'ex ba'ax u káat Yuumtzil.

Íichamtzile'ex yaabilt a watane'ex bey je'el bix Cristo tu yaabiltaj le iglesiao' ca tu dzaj u cuxtal tu yo'olal.

Te'exe' cuxa'ane'ex ca'ach ich éekjoche'enil, ba'ale' beoraa', tu yo'olal nupa'ane'ex ti' Yuumtzile; cuxa'ane'ex ti' sáasilil. Xíimbalnene'ex je'el bix máaco'ob yano'ob ti' sáasile'

Paaclan yanaque'ex yáanal a páajtalile'ex ta baatzile'ex, tu yo'olal tziiquil ti' Cristo.

Le atantzilo'obo' ca yanaco'ob tu yáanal u páajtalil u yíichamo'ob, bey je'el bix ti' Yuumtzile'.

Ba'ale' u káat u ya'al xane' cada jun túul ti' te'exe' u yaabilt u yatan je'el bix u yaabilticuba'e', yéetel le atantzilo' u tzic u yíicham.

Tu yo'olal lela' le j xiibo' yaan u p'atic u taata yéetel u maamae' u ti'al u nupicubáa yéetel u yatan, tu ca'a túulalo'ob bíin béeychajco'ob bey jun túulili'e'.

Ma' u yantal mix ba'al a wile'ex yéetel le chéen cunel ba'alo'ob cu beetico'ob le máaxo'ob yano'ob ich éekjoche'enilo', ba'axe' jóokese'ex ti' sáasil.