Popular Bible Verses from Efesios 6

Share

tumen ma' táan c ba'atel tu contra máaco'obi', ba'ale' tu contra u muuk kaakas pixano'ob ti' le ca'anilben cúuchilo'obo', u káat u ya'ale', máaxo'ob cu tusbelo'ob, jalacho'ob yéetel yaan páajtalil ti'ob tu yóokol le éekjoch'e'en yóokolcaaba'.

Beete'ex tuláacal lela' yéetel payalchi' táan a káat óolale'ex mantadz ti' Ku tu yo'olal le Quili'ich Pixano'. P'il ichnene'ex yéetel ma' u lúubul a wóole'ex, payalchi'inene'ex xan tu yo'olal tuláacal le máaxo'ob u ti'alo'ob Kuo'.

Búuquinte'ex tuláacal le u nu'uculil ba'atel cu dzáic te'ex Kuo', u ti'al ca páatac a jéedzel p'áatale'ex tu contra u táabsajilo'ob kasilba'al.

Le o'olale' ch'a'ex tuláacal le u nu'uculil ba'atel cu dzáic te'ex Kuo', u ti'al ca páatac a xachicaba'ex ti' le kaakas kiino', yéetel cu dzo'ocol a xachicaba'exe', ca páatac a jéedzel p'áatale'ex.

tu yóokol tuláacale' yanac te'ex le ocsaj óolal bey je'el bix jun p'éel pixibe', u ti'al ca páatac a tupique'ex tuláacal u t'aba'an julubo'ob kasilba'al. Yanac te'ex le tocsajil bey je'el bix jun p'éel chichich p'óoque' yéetel ch'a'ex u quili'ich t'aan Ku bey je'el bix le máascab cu dzáic te'ex le Quili'ich pixano'.

Jéedzel p'áatene'ex túun, a kaxnaktmaje'ex le jaajo' bey jun p'éel kaxnake', yéetel cananta'ane'ex tumen le tojo' je'el bix le u búuquil ba'atel cu canantic u tzeem le soldadoo'. Nu'uctaba'ex u ti'al a tze'ectique'ex u ma'alob péectzilil le jéedzelo', je'el bix le soldado' cu nu'ucticubáa le quéen u dzáa xanab tu yooco'.

Beoraa', sucu'une'ex, mu'ukancunsaba'ex ti' Yuumtzil tu yo'olal u mu'ukanil páajtalil.

Le yáax a'almaj t'aan nupa'an yéetel dzaa t'aane' leti' lela': tzic a taata yéetel a maama, u ti'al ca yanac teech qui' óolal yéetel ca cuxlaquech ya'ab kiino'ob way lu'ume'.

Paalale'ex, tu yo'olal a wocsa óole'ex ti' Yuumtzile' unaj a wu'uyique'ex u t'aan a taataex, tumen lela' u tojil.