Popular Bible Verses from EFETIKILO 49

Share

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

Yosefe eye ocanja cimaima epako, ocanja cimaima epako konele yono. Ovianja viawo vi yandela kocimbaka. Vakualohonji vo yambula enene, vo wasa lovisongo, vo fukĩlisa.

Haimo ohonji yaye ya mia longusu, lovoko aye a kolisua, a kolisua lovaka Ukuonene wa Yakoba kuenda londuko yungombo, haeye Ewe lia Isareli, a kolisua la Suku ya so, una o ku kuatisa, a kolisua la Suku Ukuonenewosi. Eye o ku sumũluisa lesumũluho liombela yi tunda kilu kuenda vali lesumũluho liatumu ovava a tunda posi, o ku sumũluisa koku cita lo koku tekula.

A Yuda, ove muẽle vahuvove va ku sivaya. Eka liove li kuata kakosi ovanyãli vove. Omãla va so va ku fendela. Yuda eye eyove liohosi. Amõlange, wa lia epulukutu, kuenje wa tunda. Wa kukuva, wa yomba ndohosi, pamue ndomange yohosi. Eli u pindula?

A Ruvene, ove vunuñulu yange, wulohõlo viange, haive tete kongusu yange, wucimalomata kulamba, wucimalomata kunene. O feloka ndovava, ku kuata umalomata momo wa londa lolohaku kula wa so; wo vĩhisa, wa londa kula wange!