Popular Bible Verses from EFETIKILO 50

Share

Ene muẽle wa similili ũvi, Suku puãi wo pongolola uwa, oco etaili kuli omanu va lua va kasi lomuenyo omo va popeliwa.

Yosefe wa popia lavo, hati, Ko ka yokoki, ame nga nda linga Suku?

Oco ko ka kuati usumba. Ene muẽle lotumãla tuene ame ndu tekuli. Oco wa tulumula ovitima viavo kuenje wa va kolisa.

Sapuili Yosefe hoti, Nda pinga okuti wecela ahuku a vahuvove, lekandu liavo, va ku lingile muẽle lãvi. Oco cilo etu tua livondela kokuove tuti, Ecela ekandu liakuenje va Suku ya so. Yosefe wa lila eci wa vangula laye.

Yosefe wa popia la vahuvaye hati, Ndopo fa, puãi suku u pasuli oku vu upa kofeka yilo, loku vu tuala kofeka a likuminya oku eca ku Avirahama la Isake kuenda Yakoba.

Oco Yosefe wa likuminya lomãla va Isareli hati, Suku u pasuli muẽle, lene wambati akepa ange oku tunda lao kulo.

Yosefe yu wa fa. Wa kala locita canyamo lanyamo ekui eci a tula omuenyo. Kuenje vo witila ovihemba, vo kapa vocikasia ve Egito.