Popular Bible Verses from Mateo 9

Share

Tsaymi discïpulunkunata nirqan: <<Cosëcha qoriypaq kanqannömi maytsikaq runakunapis Dios Yayapa willakuyninta chaskiyänanpaq kaykäyan. Peru wallkaqllam willakuqkuna kayan. Willakuqkunata kachamunanpaq Dios Yayata mañakuyay>>.

Dios Yayapa palabranchö ima ninqanta yachakuyay. Tsaychömi nin: <Sacrificiuta waykayanqaykipitapis masmi munä llakipäkuq kayänaykita>. Noqaqa manam jutsannaq runakunamantsu shamushkä, sinöqa jutsasapa runakunamanmi [jutsankunata dëjayänanpaq]>>.

Tsaymi maytsikaq runakuna Jesús kaqman qorikäyarqan. Mitsiqninnaq oqrakashqa üshakunanö kaykaqta rikarmi Jesús llakiparqan.

Tsaynö niyanqanta wiyarmi Jesús nirqan: <<Sänu kaqkunaqa manam mëdicuta wanayantsu, sinöqa qeshyaykaqkunallam.

Llapan markakunapa y jallqakunapa Jesús purirmi Dios Yayapa mandakuyninpa alli willakuyninta sinagögakunachö yachatsikurqan y tukuyläya qeshyaywan qeshyaykaqkunata kutikätsirqan.