Popular Bible Verses from Mateo 8

Share

Jesúsnam nirqan: <<Mana creyikuq janan shonqu runakuna, ¿imanirtan mantsakashqa kaykäyanki?>> Tsaypita sharkurmi wayratawan yakuta piñaparqan. Piñapaskiptinmi wayrawan yakupis patsallanchö päraskiyarqan.

Capitannam nirqan: <<Taytay, mana Israel runa kaykaptïqa manach wajïman yaykunkimantsu. Masbien serviqnï kutikänanpaq kayllapita niykullay.

Tsayta wiyaykurmi Jesús kushikur qatiqnin runakunata nirqan: <<Rasun kaqtam niyaq: Kay runa creyikunqantanöqa manam Israel runakunachö tarishkätsu.

Capitantanam Jesús nirqan: <<Wajikipa kutikuy. Creyinqaykinömi serviqniki kutikashqana>>. Tsay höram capitanpa serviqnin kutikaskirqan.

Tsayta rikarmi discïpulunkuna mantsakashqa niyarqan: <<Yakupis wayrapis tsaynö cäsunanpaqqa ¡pitan kay runaqa!>>