Popular Bible Verses from Santiago 3

Share

Peru Dios Yaya yachayta qaramashqam sïqa pay munanqannö kawakuntsik. Tsaymi pïmaywanpis alli kawakuntsik, kuyanakuntsik, alli shonqu kantsik, llakipäkuq kantsik, allikunallata imaypis rurantsik, pïmaytapis alli rikantsik y rasun kaqllata parlantsik.

Qamkuna kaqchö mayqanpis yachayyuq y tantiyakuq karqa mana yachaq tukurlla allikunata ruratsun. Tsaynö kawaptinraqmi yachayyuq kanqanpis musyakanqa.

Runa majintsikwan alli kawanqantsikta rikarmi wakin runakunapis tantiyayanqa runa majinwan alli kawakuyänanpaq. Tsaynöpam llapantsikpis Dios Yaya munanqannö kawashun.

Chikinakurnin rabyapänakur kawarqa alläpa mana allim kawaykantsik.

Tsay qalluntsikllawanmi Dios Yayata alabantsik y runa majintsiktapis rimantsik. Kikin rikuqta Dios Yaya kamaykämashqaqa manam tsaynö rimakushwantsu. Tsay qalluntsikllawanmi allita y mana allitapis parlantsik. Kuyashqa wawqikuna y panikuna, ama tsaynöqa kashuntsu.

Parlanqantsikmi imayka ninanö. Mana allikunata parlarmi alli kawakuqkunatapis mana alliman ishkitsintsik. Qalluntsik ichiklla kaykarpis dominamashqam mana alli kawakuntsik. Nina imaykata rupanqannömi mana alli parlaynintsikpis. Mana allikunata parlarmi Satanáspa munayninta ruraykantsik.

Peru qallunkunatam sïqa pipis dominayta puëdiyantsu. Runapa qallunqa chucaru wätanö y venënunömi kaykan.

Kuyashqa wawqikuna y panikuna, mana allikunata yachatsiyaptikiqa Dios Yayam juzgayäshunki. Tsaynö kaykaptinqa qorikäyanqaykichö llapayki ama yachatsikuqllaqa kayaytsu.