Popular Bible Verses from Isaías 42

Share

<<Noqa Dios Yayam qamta qayashkaq munanqäta ruranaykipaq. Makipita janchashqa puritsirnikim llapan imaykachöpis yanapashayki. Qamtam churashayki Israel runakunawan pactu ruranqäta cumplinaykipaq. Tsaynöllam churashayki maytsay nacionkunapaq aktsi kanaykipaq, qaprakunata kutikätsinaykipaq, prësukunata jipimunaykipaq y tutapäpukushqanö kawaqkunata aktsiman jipinaykipaq.

<<Noqapam shutï Yahweh. Noqallata runakuna adorayämänantam munä. Manam ima ïdulutapis adorayänanta munätsu.

Dios Yayam nin: <<Servimaqnï imanö kanqanta tantiyayay. Paytam noqa yanapä. Paytam noqa akrashkä. Paypitam kushishqa kaykä. Espïritütam payman kachamushkä. Paymi maytsay nación runakuna alli kawakuyänanpaq shumaq rikanqa.

Tsillishqa shoqushtapis manam pakinqatsu. Wañunaykaq aktsitapis manam wañutsinqatsu. Payqa llapanpaqpis alli justiciatam ruranqa. <<Kay patsachö alli kawakuyänanpaqmi shumaq yachatsikunqa. Tsayta manaraq yachatsikurqa manam jamaytapis tarinqatsu. Karu nacionchö täkuqkunapis pay yachatsikunqantam wiyayta munayanqa>>.

<<Qaprakunatam mana reqiyanqan nänipa pushashaq. Imaypis mana puriyanqan nänipam puritsishaq. Paykuna aywayänanpaqmi paqastapis atsikyaqman tikratsishaq. Mana alli nänitapis shumaqmi allitsashaq. Tsaykunatam rasunpa rurashaq.

Ñawpata willakatsinqänöllam llapan kashqa. Kananmi yapay imapis kananpaq kaqta willakatsiyaq. Pipis manaraq musyaptinmi qamkunata musyatsiyaq>>.