Popular Bible Verses from Isaías 40

Share

Pishipashqakunatapis paymi yanapan. Aywapakashqakunatapis paymi kutikätsin.

Jövinkunapis jöven kaykarmi pishipäyan. Kallpasapakunapis aywapakarmi ishkiyan. Peru DIOS YAYAMAN confiakuqkunam sïqa kallpasapa tikrayan. Paykunam pitsak päriqnö aywayan. Mayjina cörrirpis manam pishipäyantsu. Mayjina aywarpis manam bëtayantsu.

DIOS YAYAQA imaypis kawaykanmi. ¿Manaku tsayta musyayanki? ¿Manaku tsayta wiyayashkanki? Paymi kay entëru patsata kamarqan. Payqa manam aywapakantsu ni pishipantsu. Pay yarpanqanmi mana tantiyaypaq.

Juk runam qayakuypa willakuykan: <<DIOS YAYA shamunanpaq desiertuchö nänita allitsayay. Wiksu nänikunata derechayay.

Qewapis tsakinmi y waytapis shushunmi. Peru Diosnintsikpa palabranmi sïqa imayyaqpis kaykanqa>>.

DIOS YAYA shamurmi poderösu kayninwan salvanqa. Tsaytam maytsaychö täkuq runakuna rikäyanqa. Kikin DIOS YAYAM tsaynö kananpaq nimushqa>>.

Raqrakunatapis pampatsäyay. Lömakunatapis parijayay. Wiksu wiksu nänikunatapis derechayay. Uchku uchkukunatapis pampatsäyay.

Mitsikuq runa ashkashta marqakurkur apaqnömi apamunqa. Tsayraq wachashqa üshatanömi cuidanqa.

Ciëluman rikar tantiyashun qoyllurkunata pï kamanqantapis. Llapan qoyllurkunatam Dios Yaya yupan. Shutinpam llapanta reqin. Dios Yayaqa alläpa poderösu y kallpasapam. Tsaymi tsay qoyllurkuna ni jukllayllapis oqrakäyantsu.

Dios Yayapam trönun ciëlu jananchö kaykan. Tsaypitam chukllushtanölla runakunata rikämun. Carpata runa mashtaqnömi ciëlutapis mashtan.

Jerusalén mana llakikunanpaq alli shimillaykikunapa willaykuyay. Alli cösa castigaykurmi jutsankunapita perdonashkä>>.

<<Jinchi qayakuy>> nimaqtam wiyashkä. Tsaymi tapurqä: <<¿Imatatan qayakushaq?>> Tsaynö tapuptïmi nimarqan: <<Llapan runakunapis qewanö ushakaqllam. Poderyuq kayninpis waytanö shushuqllam. Achaq wayrata DIOS YAYA pükamuptinmi qewapis tsakin y waytapis shushun. Runakunaqa rasunpam qewanölla kayan.

Alläpa poderösu kayninwanmi DIOS YAYA shamunqa. Poderösu kayninwanmi chikiqninkunata venciskir kuyanqan runankunata qorimunqa.

Diosnintsikmi nin: <<Kuyanqä runakunata shoqayay.

¿Piraq Dios Yayanö maki paltallanwan lamar yakuta tupunman? Ciëlutapis Dios Yaya cuartaypa mïdinqannö ¿piraq mïdinman? Kay patsachö allpatapis ¿piraq Dios Yayanö llapanta pësanman? Jirkakunata y lömakunatapis ¿piraq Dios Yayanö balanzawan pësanman? DIOS YAYA yarpanqanta ¿pillaqa musyantsuraq? Yachayyuq kananpaq ¿pillaqa yachatsintsuraq? Dios Yayaqa ¿pitapis rugakuntsuraq tantiyatsinanpaq? Dios Yayata ¿pillapis tantiyatsinmantsuraq alli kanqanta o mana alli kanqantapis? Yachayyuq kananpaq ¿pillaqa yachatsinmantsuraq?