Popular Bible Verses from Eclesiastés 3

Share

Kay patsachöqa llapanpis tiempuyuqllam.

Tiempu kanmi yurinapaq y wañunapaqpis. Tiempu kanmi murunapaq y cosechanapaqpis. Tiempu kanmi wañutsinapaq y jampinapaqpis. Tiempu kanmi juchutsinapaq y shäritsinapaqpis.

Tiempu kanmi waqanapaq y kushikunapaqpis. Tiempu kanmi lütunapaq y fiestata ruranapaqpis. Tiempu kanmi rumikunata witsinapaq y qorimunapaqpis. Tiempu kanmi abrazanakunapaq y mana abrazanakunapaqpis.

Tiempu kanmi rachinapaq y remendanapaqpis. Tiempu kanmi upälla kakunapaq y parlanapaqpis. Tiempu kanmi kuyanapaq y chikinapaqpis. Tiempu kanmi guërrata ruranapaq y mana ruranapaqpis.

Tiempu kanmi ashinapaq y oqranapaqpis. Tiempu kanmi churakunapaq y jitarinapaqpis.

Tsaynöllam tantiyashkä Dios Yaya llapan kamanqankuna imaypis tsaynölla kanqanta. Kamanqankunamanqa manam ni imatapis yapantsiktsu ni tsaypita manam imatapis jipintsiktsu. Paypita mantsakunapaqmi Dios Yaya llapantapis tsaynö kamashqa.

Tsaymi shonqullächö nirqä: <<Llapanpis tiempuyuqlla kaykaptinqa tiempu chämunqam alli ruraq runata y mana alli ruraq runatapis Dios Yaya juzgananpaq>>.