Popular Bible Verses from Josuué 6

Share

Jihova anga uambela Josuué, uixi: Ua mono, Jedikó nga ku bhakuila o mbonge iê bhu maku, ni sobha iê, ni indanda iê akua nguzu mu ita.

Ki bhita-phe, kuila, o kioso ene kia xika ni dízui diasuina ku jimbungu ja ilumbe, ki muívua dízui dienhódio dia mbungu, kifuẋi kioso a kole nzòngo ionéne; mu mona-phe kuma lumbu lua mbonge lu di bhala, hé lu zeka bhoxi, kifuẋi kioso anga a bokuena kala muthu bhuoso bhua lulamena, bhua lungila o pholo iê, ka bhingi dingi ididi iengi ia kubokuena mu mbonge.

Enu-phe, oso mala a fuama kuia ku ita, mu di ta ku mikalatata ia kuenda, o mbonge mu i kondoloke lumoxi. Ki kúkia kiene, ki kúkia kiene, katé mu izuua isamanu.

Ku kala sambuadi dia nganga, a tuamenena ku pholo ia álaka, a kala ni sambuadi dia jimbungu, dia kuata bhu maku, ja jimbinga ja ilumbe ia jimbudi. O mu kizuua kia kasambuadi-phe, mbonge mu i kondoloka lusambuadi; o jinganga a kala mu xika o jimbungu.

Jedikó-phe a di jikila mu mbonge iâ ia bhiti lumbu, mukonda dia uoma ua anʼa Izalaiele; ki ku tundu muthu, ki ku bokona muthu.

Kia zubha kubhita lua kasambuadi kiá, kioso jinganga kiala kuxika jimbungu, Josuué uambela o kifuẋi, uixi: Kolenu! kuma mbonge Jihova ua mi bhakuila-iu kiá.

O mbonge-phe a i koleka kuala Jihova, ni ima iê iene ioso iala-mu; Lahaba ngó dia kidia-nzunga, muene ngó ni muene ni jindandu jê aia-nê mʼonzo, mukonda muene ua suekele o ilolo i tua tumikisine, ene ngó a kola o muenhu.