Popular Bible Verses from Jihebeleu 13

Share

Ki mu kale mu akua luimbi lua kitadi, ioso i mua mono i mi soke. Kuma Nzambi u ambe uixi: Eme nuka nga kà mi xisa, ki nga kà mi ehelela ue, kana.

Jezú Kristu muène umoxi, ni mazá, ni lelu, katé ku hádia.

Uila kiki, tu kolokotienu ni kuila: Ngana muène mukuatekexi uami, eme ki ngi kala ni uoma. Hé muthu u ngi bhanga-hi?

O kubhanga o mbote ni ku di bhindumuna mudienu ki ku mi jimbe, mukonda ilumbu kala iii Nzambi ia mu uabhela kiavulu.

Mukonda dia Jezú Kristu tu bhanienu kilumbu kia kuximana jinga Nzambi. O diximanu didi, iene o sata i tua bhakula—ujitu ua tundu ku mizumbu i fisala o dijina diê.

O ukaza u kale ku ujitu kua ene oso, o mala ni ahatu a sakana a di kale jifiiele mudiâ. Kuma Nzambi ua kà fundisa o jindumbu ni akuâ jiphanda.

Kana kufula kutambulula asonhi mu mabhata menu. Kuma amoxi mu ku ki bhanga, a langeka ji-anju sé ku kʼijiia.

Kiki-phe Nzambi ua fukununa Ngana ietu Jezú mu madifundu, o mukonda dia kufua kuê, muène o Mubidi ua Dikota ua jimbudi. Uila kiki, mu manhinga ma Jezú, o kikutu ki nangenena a ki kolêsa ni kidimbu. O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.