Popular Bible Verses from Tiiaku 1

Share

Enu jiphange jami, kitenu-kiu kuzediua kuoso, se mu bhita ni malamba ma vula o matelu. Kuma mua kʼijiia kuila kia zubha ku mi lola o kuxikana kuenu, ki mi bhangesa dingi kukolokota.

Maji se sai muthu mudienu ua kambe unjimu, a u bhinge Nzambi, muène anga u mu bhana-u. Mbata muène u bhana kiavulu, mukua kuila ene oso u a bhana ni vondadi, kene mu baúla muthu.

Lembalala jingenu-phe kiki, enu jiphange jami nga mi zola. Muthu ni muthu-phe a lenguluke kuivua, maji a kokoloke kuzuela, a kokoloke o kutêma.

O kukolokota kuenu-phe suinenu na-ku, phala ku mi zubhile kikalakalu kiê, mbè mu tenene, mu kale kivimba, sè kima kia mi kambe.

Kalenu mu abhangi a maka, kana akua kuivua ngó, mu kumbidile kioso kiala ku mi tuma o maka enhá. Ki mu kuate kudinganala jinga enu-enu.

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Kuma uoso u kala ngó muivui a maka, maji ki mubhangi a maka, ua di fuangana ni muthu u di talesa mu lumuenu o pholo iê ia mu vuala na-iu. Mukonda u di talesa muenhomo, o kia tundi-bhu, kindala ua di jimbi kioso kiene o kidifua kiê.

O kubheza kua kidi, ki kuene kuxila bhu pholo ia Nzambi, Tata, kuenhuku: O kubindumuna jihukunhu ni atudi a ahatu mu ibhidi iâ, ni kudilanga eʼmuène sè kukasana ni ima iaiibha iene ku mundu iú.

O muthu kia dianguka mu ithangana ia malamba ienhiʼii, kʼeie, uixi: Nzambi muène ua ngi diangula. Mukonda Nzambi kene ku mu diangula ku kima kiaiibha kioso-kioso, o muène ue kene mu diangula muthu. Maji muthu-phe u dianguka, ki mu sunga o hânji iê-muène iaiibha, anga i mu bhomba.

O phange se uala ngadiama, Nzambi anga u mu bha mbote ku muenhu uê, a tane-ku, kuma a mu bheka ditala dia ujitu.