Popular Bible Verses from Kolose 3

Share

Mu di lendukile ni kudikuatekesa mudienu, mu di loloka, se bhuala muthu ua di kuata ni mukuá. Kala muthu a loloke mukuá kala kioso Nzambi kia mi loloka enu, kiene ue ki mu bhanga jinga.

Muẋima u mi lunge ku ima iala bhulu, kana ku ima iala mu ngongo.

Ioso-ioso i mu bhanga, mu kalakala ni muẋima uoso, kuma Ngana mua mu kalakela, ki athu.

Enu phe muala mu athu a Nzambi. Muene ua mi tungula phala mu kale mu athu ê, ua mi lumbu, ua mi zola. Kala kiki, enu zuatenu muẋima uanengana, ni kunheṗhuka, ni kubatama, ni kubelesela, ni kuxidikika.

O maka ma Kristu ni jimbote jê joso, ma mi tunge kia nzungule moxi dienu, ma mi bhane kilunji. Mu kala mu ku di longa mudienu, ni ku di bhana phangu ni unjimu uoso. Muimba jinga mu jisalamu, ni mikumbi, ni mimbu ioso ia nzumbi. Muimbila jinga Nzambi ni muẋima uezala kisakidilu. Kala kiki, ioso-ioso-phe i muila, kixi mù zuela, kixi mu kubhanga, iene ioso bhangenu-iu mu dijina dia Ngana Jezú, hé mu sakidila jinga Nzambi Tata kua muène.

Ku ima ioso-phe, kota o henda, kuma o henda iene o dijikita di kuta o uthu uatenena.

Enu mua fukunukina kumoxi ni Kristu, mua tundu muʼalunga enu mueza ku muenhu. O ki kala-phe mua fukunukina kumoxi ni Kristu, ndokuenu mu sote ima iala bhulu bhu aii Kristu, bhua xikama ku madilu ma Nzambi.

O kutululuka ku tunda kua Nzambi, ku mi tetulule mu miẋima. O kutululuka kueniuku kuene Nzambi kua mʼixanena kukala idiandu ku mukutu umoxi. Hé muila ue ni kusakidila.

Uila kiki, o jihânji jenu ja mu ngongo jala kukalakala moxi dienu, jibhenu-ju: ni undumbu, ni ufusa, ni hânji jaiibha, ni vondadi jabolo, ni luimbi, ku ma o luimbi lua soko ni kukaiela iteka.

Kuma enu muafu kiá, muenhu uenu a u sueka ni Kristu kua Nzambi.

O kiki-phe zulenu-iu iene ioso: Ni njinda, ni kutema, ni phulu, ni kuxinga, ni jindaka jabolo ki ji tunde mu kanu dienu.

Kana ku di tela makutu mudienu, kuma o muthu Uokulu mua mu zula kiá ni ifua iê, enu mua zuata muthu uobhe. O kikexilu kia ubhe kiki muène o muthu uobhe ala ku mu umba kuala Nzambi ni kuijiia kuengi, phala kudifangana ni muène uoso ua mu bhanga.

Enu mu mala, Zolenu ahatu enu, kana ku a thathamena jinga.

Enu ana, tumakenu adi enu mu ima ioso, kuma kiene kia mi fuama mu ukidistá, o Ngana ue ki mu uabhela kiambote.

Enu ahatu, tumakenu anumiʼenu, kuma kiene kia tokala kubhanga mua Ngana.