Popular Bible Verses from MoaOroma 3

Share

Areyaŋ a mbo a kpo odlobi, nga moa a wo ogyugyuŋ ta la Ahogbrẽ la a shla moare. Ambo ozhẽ ba ototno ba okpoghwo ba Ahogbrẽ, okyku Eyesu Ekristi, opyapyaŋ o sa o ba agʼbaha moarehwi ta la Ahogbrẽ. Eyesu angyiŋ a la a kyu moare abgo.

Ahogbrẽ a shri opyapyaŋ a zga agʼbaha baŋ pa la moarehwi ozhẽ obmi ba adlidzi ta la Eyesu Ekristi angyiŋ. Egʼbakyeŋ e wo ma mbo. Ahogbrẽ a kpo ohi lo okyku areyaŋ a mbo.

Ahogbrẽ a shri ŋa a shri a di okyku gi ozhẽ eku baŋ, okyku o da moare a hwiŋ okyuabgo odlobi o wo ba moa a bmi ba adlidzi ka la ŋa. Ahogbrẽ a shri Ekristi a di okyku o tsa eka baŋ a la a shri opyapyaŋ a shri a zga agʼbaha baŋ pa la moarehwi. Ayga Ahogbrẽ a ta eso ble-ble nga a sko odlobi moarehwi a zga akplokyeŋ mbo. Ambo ohuhuhi, a la a sko odlobi moarehwi a zga akplokyeŋ, okyku o tsa baŋ a la a shri opyapyaŋ a zga agʼbaha baŋ pa la moarehwi. Ozhẽ he, Ahogbrẽ a tsa baŋ a wo a ba odlodzi angyiŋ, nga a tsa baŋ a la a shri opyapyaŋ a zga agʼbaha baŋ ta la areyaŋ a mbo la a bmi ba adlidzi ta la Eyesu.

Arekyeŋ á hwiŋ opyapyaŋ ta la Ahogbrẽ okyku baŋ a la a kpaŋ odaŋ angyiŋ mbo. Odaŋ o wo okyku o da areyaŋ a mbo a yi baŋ a wo are odlobi angyiŋ.

Akpa ba Ahogbrẽ a lu mi le, Arekyeŋ la a wo la odlodzi a wo ma mbo. Arekyeŋ la a ka Ahogbrẽ a bmye, Nga a la a klo ŋa a wo ma mbo. Moare mvye moa a zhiŋ ogbu a blu Ahogbrẽ. Moa mvye a ta akpu. Arekyeŋ a la a kpo ekplo la e wo edzi mbo, arekyeŋ a mbo mbo ku-ku!

Ekplo ba ekpyemgbyeŋ a mo nga, opyapyaŋ o la o dzu agʼbaha ba Ahogbrẽ ta la arehwĩ ozhẽ obmi ba adlidzi sha. Alo o wo ozhẽ ba okpaŋodaŋ angyiŋ mbo.

O nyom Ahogbrẽ o kpo adlidzi ku-ku mbo! O wo ba areyaŋ a mbo a la a sheŋ akpro a mbo, Ahogbrẽ a la a kpo adlidzi. Odlo Ahogbrẽ o lu mi le, Aŋo o lu odlo kye, o da mo a yi boŋ o lu adlidzi omba boŋ o lu odlo. O wo eka he, moa á lu ombgu á bga ŋo omba ba moa a sõ ŋo ombgu mbo.