Popular Bible Verses from MoaOroma 2

Share

Ambo aŋo akyemeazba, o la o kpo edgu ayakplo hi, nga aŋo o gba o sa o dzu ma o la o sõ moahwõ ombgu! Eka boŋ o ka, aŋo ó gro ombgu ba Ahogbrẽ lo? O dzu mbo, aŋo o la o dzĩ okpoghwo ogagre ba Ahogbrẽ, ta la eso ble-ble baŋ a wo la alo ma angyiŋ. Ambo adlidzi angyiŋ, Ahogbrẽ a la a ka ayiekŋe okyku eshi a klo boŋ o ghwo obiŋ!

Aŋo akyemeazba, aŋo o la o sõ moahwõ ombgu? Aŋo o wo ayayi a mbo le, aŋo o wo la elomakyeŋ ma mbo. O wo boŋ o la o sõ moahwõ ombgu, ambo aŋo o la o kpo edgu ayakplo ba moa a la a kpo lo le, aŋo o vu eŋo.

Ahogbrẽ a sko moare mvye a zga okyekyeŋ angyiŋ.

Moa a shri opyapyaŋ a zga agʼbaha moarehwi ta la Ahogbrẽ okyku moa a gŋo odaŋ angyiŋ mbo, mbo, ambo okyku o kpo ekplo ba odaŋ o lu.

Okyku eshi Ahogbrẽ á shri egbre á da areyaŋ a mbo eka ekplo baŋ a kpo angyiŋ.

Moabze a la a klo eshri emo sha, nga moa a la a tla adlidzi, nga moa a kpo otum obi. Ahogbrẽ nga á sõ mo ombgu la o vu olo.

Ambo aŋo o wo la eso la e shye nga o shye eshri boŋ. Okyku eka he aŋo o da ombgu boŋ o la o ta ma o ta-ta. Nga alo ó wo nzenze onda ba Ahogbrẽ á ba a hwile esõ-etpiayi baŋ nga á sõ areyaŋ a mbo ombgu ba adlidzi.