Popular Bible Verses from MoaOroma 1

Share

Ame e bmi ba adlidzi ta la Oshpaodzadzi la o wo ekʼpo ba Ahogbrẽ, okyku o shla moare la a bmi ba adlidzi. Oriori moaEyahuda, ambla he nga, moa la a wo moaEyahuda mbo.

Oshpaodzadzi o la o tsa eka ba Ahogbrẽ a shri opyapyaŋ a shri a zga agʼbaha baŋ pa la moarehwi. Alo o wo ozhẽ obmi ba adlidzi angyiŋ, a zga esĩ ta la eygi. Akpa ba Ahogbrẽ a lu mi le, Are la ba moa a shri opyapyaŋ a shri a zga agʼbaha baŋ ta la Ahogbrẽ ozhẽ obmi ba adlidzi, á hwiŋ eso.

A zga omba ba Ahogbrẽ a kpo obiŋ hi ayakplo egbregbre baŋ ba moa a ka lo mbo, ekʼpo baŋ ba gbagbu-amo, ta la odzudzu baŋ ba Ahogbrẽ, areyaŋ a mbo a ka lo zheŋ. Moare a kpo a gbu ba moa a ka ayakplo baŋ a kpo. Okyku eka he moa a wo la elomakyeŋ ma mbo!

Moa a yi Ahogbrẽ, ambo moa a la a ka ŋa la ekekʼpo baŋ mbo. Moa a la a vye ŋa a mbo mbo. E mbi moa a vye la ŋa, ambo moa a sko aga a zga ayakplo ba ototno. Aga eso mo nga a bli la evbu sha.

Moa a la a zhiŋ adlidzi ba Ahogbrẽ a zga akpro. E mbi moa a hlu Ahogbrẽ angyiŋ eshko, ambo moa a la a hlu ayakplo baŋ a kpo angyiŋ eshko. O raŋ o gre ba moa a hlu Ahogbrẽ angyiŋ eshko gbagbu-amo! Amin.

Ahogbrẽ la a wo Ongyeŋ a tsa moare eka ba eso e tpi ŋa ayi okyku odlobi, ta la ayakplobi moarehwi a la a kpo. Ayakplobi he lo a nyom moare a yi adlidzi lo.

Okyku ba edgu ayakplo moarehwi a la a kpo, Ahogbrẽ a dzu moa a zga a da mo a gbu anzi. Moashe nga moa a tla moarealom nga moa a la a kpo ayakplo ba eshre ta la egʼba mo. Moarealom nga moa a tla moashe nga, moa a la a lom ta la emo. Moa a la a kpo ayakplo la a wo eshre ta la emo, okyku eka he moa a hwiŋ ewu okyku akpu ba moa a la a ta. Okyku ba moare a tla o kpaŋ odlo adlidzi ba Ahogbrẽ, aŋa a dzu mo a zga la eso eshre lo. Okyku eka he moa a la a kpo ayakplo la a raŋ ba moa a kpo lo mbo.

Moa a la a lu mi ma moa a yi eda, ambo moa a yi eda mbo ku-ku. Moa a sko ekekʼpo ba Ahogbrẽ ba gbagbu-amo a shri a da okpko. Moa a kpo mo a da mo a wo eka ba arehwĩ ta la abyebye, ta la ebyi, ta la edgu ebyi la e la e dra akpyki obiŋ.