Popular Bible Verses from ROM 6

Share

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi.

Namar, ka pop kan ym don bor shuh halor jong phi: naba phim long hapoh ka hukum, hynrei, hapoh ka jingaiei.

Namar kata keiñ, la btep lem ïa ngi bad u, da ka jingpynbaptis ha kata ka jingïap jong u: ba kat kumba la pynmih pat ïa U Khrist na ki baïap, da ka burom ka jong U Kpa, kumta ba ngi ruh, ngin ïa-ïaid ha ka jingthymmai ka jingim.

lymne wat aiti noh ïa ki dkhot met jong phi ha ka pop kum ki atiar ka jingbymhok: hynrei, to aiti noh ïa lade ha U Blei kum kiba la im na ki baïap, bad ïa kita ki dkhot met jong phi ha U Blei kum ki atiar ka hok.

ba ngi da tip ïa kane, ba la sahnarphna lem bad u, ïa u briew batymmen jong ngi, ba yn da ïoh pynjot noh ïa ka met ka jong ka pop, khnang ba ngin ym long mraw shuh ha kata ka pop.

Kumjuh ruh, ma phi, to ñiew ïa lade kiba la ïap keiñ ïa ka pop, hynrei, kiba ïai-imti ïa U Blei ha U Khrist Jisu uba U Trai jong ngi.

Aïu pat te ngin ïa-ong? Ngin ïaineh ha kata ka pop, ba kata ka jingaiei kan ïoh nang roi byllien? Ym kumta, em! Ma ngi kiba la ïap ïa ka pop, kumno ngin dang ïai-im shuh ha ka?

Phim ju tip, ba ha uba phi aiti noh ïa lade kum ki mraw ïa ka ban kohnguh, phi long ki mraw keiñ ïa uta ha uba phi kohnguh; la ki jong ka pop, sha ka jingïap; lane ki jong ka jingkohnguh, sha ka hok?

Hynrei, to long ka jingnguh ha U Blei, ba, la phi la ju long ki mraw ki jong ka pop, hynrei, phi la jia long kiba kohnguh naduh ka dohnud ïa kata ka dur ka jinghikai ha kaba la aiti ïa phi. Te ba la pyllait noh ïa phi na ka pop, la pynlong shakri ïa phi ïa ka hok.