Popular Bible Verses from ROM 7

Share

Nga ainguh ïa U Blei da U Jisu Khrist uba U Trai jong ngi! Kumta te, ma nga hi keiñ da kata ka jingmut shisha, nga shakri ïa ka hukum U Blei; hynrei, da kata ka doh, ïa ka hukum ka pop.

Namar nga tip ba ha nga, kata, ha ka doh jong nga, kam shong sah ei ei ka babha; namar ïa ka ban mon shisha, ka don eh ha nga; hynrei, ïa ka ban leh ïa kata ka babha, kam don.

Namar ïa kata ka babha ïa kaba nga mon, ngam leh; hynrei, pleng ïa kata ka basniew ïa kaba ngam mon, ïa kata keiñ nga leh.

Hynrei, lada nga leh ïa kata ïa kaba nga hi ngam mon, ym dei shuh ma nga uba leh ïa kata, hynrei, kata ka pop keiñ kaba shong sah ha nga.

Nga shem te shaphang ka hukum, ba ha nga uba mon ban leh ïa ka babha, kata ka basniew ka don hi ha khmat. Namar nga sngewtynnad eh keiñ, ha ka hukum ka jong U Blei katba kum uta u briew bashapoh.

Te lada nga leh ïa kata ïa kaba ngam mon, nga ïakohnguh lem bad kata ka hukum, ba ka, ka long ka babha.