Popular Bible Verses from ROM 5

Share

Hynrei, U Blei u pyni shynna ïa la ka jong ka jingieit sha ngi, ha kaba haba ngi dang long ki bapop, U Khrist u la ïap ïapli ïa ngi.

bad kata ka jingkyrmen kam ju pynrain buhkhoh keiñ; naba ïa ka jingieit U Blei la theh ïar noh buk buk ha ki dohnud jong ngi da U Mynsiem Bakhuid, ïa uba la ai noh ha ngi.

Bad ym tang kumta hi keiñ, hynrei, ngi sngewkmen ruh ha ki jingjynjar, da tip biang ba ka jingjynjar ka pynlong ïa ka jingïaishah; bad kata ka jingïaishah, ïa ka jingshem mynsiem; bad kata ka jingshem mynsiem, ïa ka jingkyrmen

Namar kata, ba la pynksan ïa ngi da ka jingngeit, ngi don ka jingïasuk bad U Blei da U Trai jong ngi U Jisu Khrist; da u ruh, ngi la ïoh ïa ka jinglamphrang da kata ka jingngeit shapoh kane ka jingaiei ha kaba ngi ïaïeng; bad ngi sngewkmen ha ka jingkyrmen ïa ka burom U Blei.

Namar, U Khrist, mynba ngi dang long ki batlot bor, hamar kaba biang ka Ïa u la ïap ïapli ïa ki bymriewblei.

Te kham tam shibun, haba mynta la pynksan ïa ngi da ka snam jong u, yn pynim ïa ngi da u na kata ka jingbitar U Blei.

Namar, kat kumba da kata ka jingbymkohnguh jong uta uwei u briew, la pynlong ki bapop ïa kita kiba bun; kumta ruh, da kata ka jingkohnguh ka jong uta uwei pat, yn pynlong ki bahok ïa kita kiba bun.

Bad ym tang kumta, hynrei, ngi sngewkmen ruh ha U Blei hi da U Trai jong ngi U Jisu Khrist, da u, ba mynta ngi la ïoh pdiang ïa kane ka jingpynïasuk.