Popular Bible Verses from ROM 4

Share

bad da kaba u khmih ha kata ka jingkular ka jong U Blei, um shym la lyngngoh artatien da ka jingbymngeit; hynrei, la pynkhlaiñ ïa u ha kata ka jingngeit, u da pyndonburom ïa U Blei; haba u la sngewskhem ruh ba kat kaba u la lah kular, u don bor ïa ka ban pyndep ruh.

(kat kumba la thoh: “Nga la pynlong ïa me u kpa kiba bun ki jaid bynriew,”) ha khmat uta U Blei ha uba u la ngeit, uba pynim ïa kiba la ïap, bad uba khot ïa kita kiei kiei ruh ki bymlong, kumba ki da long.

ïa uba la aiti noh na ka bynta ki jingpalat jong ngi, bad ïa uba la pynmih pat na ka bynta ka jingpynksan jong ngi.

Uba khlem ka jingkyrmen, pynban, u la ngeit ha ka jingkyrmen, ïa kaba un jia long ma u, u kpa kiba bun ki jaid bynriew katba kum kata ïa kaba la ong: “Kumta uta u symbai jong me un long.”

Namar kata ka long na ka jingngeit, ba kan ïoh long da ka jingaiei; khnang ba kata ka jingkular kan long skhem bha ha uta u symbai baroh; ym tang ha uta hi uba na ka jong ka hukum, hynrei, ha uta ruh uba na ka jingngeit u Abraham; uba long u kpa jong ngi baroh

u da ong: “Suk kita kiba la ïohmap noh ïa ki jingpalat jong ki, bad kiba la ïoh tyllep noh lin ïa ki pop jong ki. Suk uta u briew, uba U Trai un ym ñiew shuh ïa ka pop ha u.”

Namar kumno kata Ka Jingthoh ka ong? “U Abraham te u la ngeit ha U Blei, bad ïa kata, la ñiew ka hok ha u.”