Popular Bible Verses from ROM 12

Share

Bad to wat pynsyriem ryngkat ïa lade bad kane ka pyrthei; hynrei, to pynkylla dur noh ïa lade keiñ da ka jingpynthymmai ïa ka jingmut jong phi, khnang ba phin ïoh tip kaba kumno ka long ka mon ka jong U Blei, ka babha, bad kaba pynsngewbha eh, bad ka bajanai de.

Namar kata, nga kyrpad ïa phi, ko parabangeit, na kita ki jingisynei ki jong U Blei, ban aiti noh ïa ki met jong phi kum ka jingkñia ba-im, bakhuid, bad ba pynsngewbha eh ïa U Blei, kaba long keiñ ka jingshakri bakynja mynsiem jong phi.

kiba kmen ha ka jingkyrmen; kiba ïaishah ha ka jingjynjar; kiba ïaineh minot ha ka jingduwai

Wat ai ba yn jop noh ïa me da ka jong ka basniew, hynrei, to jop noh ma me ïa ka basniew da ka babha.

Ha ka jingïa-ieit parabangeit, to long kiba ïa-ieit noh paralok hi; ha ka jingïañiew burom, to long kiba ïañiew kor paralok hi

To ka jingieit kan long kaba khlem arsap. To kiar noh sngewtriem na kata ka basniew, to snoh ha kata ka babha.

lada long kaba lah, katba shong kata ha phi to long kiba ïashong suk noh bad ki briew baroh.

Wat long ma phi hi kiba pynhiar kput, ko ki hep, hynrei, phin ai jaka ïa ka jingbitar U Blei, namar la thoh: “Ka jingpynhiar kput ka long ka jong nga hi, ngan leh kylliang ma nga,” ong U Trai.

ha ka jingleh minot, to wat long kiba alhia; kiba shitrhem ha ka mynsiem, kiba shakri ïa U Trai

Namar nga ong, da kata ka jingaiei ïa kaba la ai ha nga, ïa uwei pa uwei uba long hapdeng jong phi ban ym ñiew kham kor ïa lade nalor kaba ka dei ïa u ban ñiew; hynrei, ban ñiew adkar ïa lade, kat kumba U Blei u la sam ïa ka jingthew ka jingngeit ha uwei pa uwei.

Wat leh markylliang hano hano ruh ïa ka basniew namar ka basniew; to pyrkhat lypa ïa kiei kiei ruh ki babha tynnad ha khmat ki briew baroh

To long kiba ïamut ïa kajuh paralok hi; to wat ïaimut brai ïa kiei kiei ruh ki jinglong meng, hynrei, to pynryngkat ïa lade bad ki barit. Wat long phi kiba tharai stad ïa lade hi.

“Hynrei, lada u nongshun jong me u thngan, men bsa ïa u, lada u sliang, men ai dih ïa u; namar da kaba leh kumta, men kynton ïa ki rnga ding barhem halor ka khlieh jong u.”

To kyrkhu ïa kita kiba lehbeiñ ïa phi; to phin kyrkhu keiñ, bad wat tim phi. To ïakmen lem bad kita kiba ïakmen, to ïaïam lem bad kita kiba ïam.

ha ki jingkyrduh jong ki riewkhuid kiba ïasam isynei; kiba ïabeh brai ïa ka jingkhot ieit basa.

Namar kat kumba ha kawei ka met ngi don shibun ki dkhot, hynrei, kita ki dkhot baroh kim ïadon kajuh ka jingkam; kumjuh ma ngi, la ngi long shibun, ngi long kawei ka met ha U Khrist, bad uwei pa uwei ki ïalong ki dkhot ki jong ki paralok hi.