Popular Bible Verses from JOSHUA 6

Share

Bad U TRAI u la ong ha u Joshua, “Ha khmih, nga la ai ha ka kti jong me ïa ka Jerikho, bad ïa u syiem jong ka, bad ki rangbah bakhrawbor.

Te haba yn put kynsan da kita ki turoi jubili, bad haba phin ïohsngew ka jingsawa kata ka turoi, u paidbah baroh un risa da ka jingrisa bajam; te ka kynroh ka shnong kan kyllon kram, bad uta u paidbah un kiew uwei uwei baroh pyrshah beit ïa u.”

Bad ki paidïapom baroh phin tawiar ïa ka shnong, da kaba ïaid sawdong ïa ka shnong shi sien. Kumta men leh hynriew sngi.

Bad hynñiew ngut ki lyngdoh kin rah ha shuwa ka synduk, hynñiew tylli ki turoi jubili: bad ha ka bahynñiew ka sngi phin ïaid sawdong ïa ka shnong, hynñiew sien, bad kita ki lyngdoh kin put da kita ki turoi.

(Te ïa ka Jerikho la khang khop namar ki khun Israel: ym don ba mih shabar, lane ba rung shapoh.)

Te ha ka bahynñiew sien, haba kita ki lyngdoh ki la put da kita ki turoi, u Joshua u la ong ha uta u paidbah, “To ïarisa; namar U TRAI u la ai ïa kata ka shnong ha phi.

Te kata ka shnong kan long kaba la tim ha U TRAI, ma ka bad baroh katba don ha ka: tang ka Rahab ka nuti kan im, ma ka bad baroh kiba bad ka ha ïing, namar ka la buhrieh ïa kita ki nonglam-ktien kiba ngi la phah.