Popular Bible Verses from Ngiroma 3

Share

asecha daang aloketa Anakuj ana epedori ayuun. Nakaneni kotere ajokis a Akuj, imaruni Akuj kesi atamar etenoono eboyor kech ani anupeta ngakiro a Yesu Kiristo na elachakinete kesi dir.

Itiliwori Akuj ngitunga lu etenoono eboyor anikeng kotere epit lo enupitotor ngakiro a Yesu Kiristo. Ikwaanakini Akuj neni ani eya daang lu enupito, erai peipakarit nabo ngiche

Alemuni Akuj Kiristo sodi taarae torimakinere ngasechesea a ngitunga ani anupeta kesi ngakiro keng. Ekokini Akuj neni sodi kitoodiunea ngesi atamar erai ngesi lo etenoono eboyor keng anikeng. Kolong sek, anaikinit Akuj peakachit ngasechesea a ngitunga. Ani tokona ngirwa lu, alema ngasechesea a ngitunga sodi kitoodiunea eger lo eraakar lo etenoono eboyor nabo itiliwori itwaan daang ni enupi ngakiro a Yesu ni etenoono eboyor keng ani a Akuj.

Kainyo emam itwaan imaruni Akuj atamar etenoono anikeng ani irichunitor etal. Erai etal lo itoodikini itwaan atamar asub akisech.

Loger lo igiritere kona, “Emam itwaan ni ejok, emam itwaan ni eos kori emam ni esaki Akuj. Areasi daang ani a Akuj echwangakis daang, emam itwaan etenoono, emam tani ipei.

Kainyo eliwor itwaan ni etenoono eboyor ani a Akuj kotere anupit keng, meere kotere akirichun etal.

Meere kongina! Erai Akuj na iteni, tani keliokono itwaan daang. Loger lo igiritere nagiran kona, “Echamit eyenunio atamar ilimuni iyong ngakiro na eteniyete na iruorikinea. Echamit iyong ipiyori ngakiro nakititakinitere iyong.”