Popular Bible Verses from Ngiroma 2

Share

Nakaneni iyong ekone, isubi iyong ngakiro na irira luche! Itamit iyong atamar ipuun aloriras a Akuj a? Kori imenyarit iyong ni ejokia Akuj noi enaikinit nabo totitinyikinite. Iteni dir iyeni iyong atamar epatana Akuj, kainyo esaki ngesi areeun iyong tolung ngasechesea kon.

Ekone yaa, ani kirirae iyong luche, emam jik ngakiro na ilimuni iyong toyuunor tani kirai iyong ngae, kainyo na irira iyong luche ani erumor tosub ngakiro napei esubete kesi, irira iyong elope bon.

Kainyo irirae Akuj ngitunga daang a epit a epei.

Kainyo meere akipup ngakiro a etal ngesi imarunere ngitunga atamar etenoono eboyor ani a Akuj, nakaneni erai akiwap na edungunitoe Alotal.

Kainyo einakini Akuj itwaan daang ebachit itemem ka na asub ngesi.

Nakaneni edingaka ngitunga ngiche nabo nyiwapito nguna iteni, pearai iwapito naaronok, eanyunete kesi anyunyura a Akuj ta angoit keng.

Nakaneni etioko esi ngitai nabo ichanaka esi noi. Ani ikoneta neni, itoronete esi noi eriras kus Akolongit na etakanuunea anyunyura a Akuj ka eriras keng lo etenoono.