Popular Bible Verses from Ngiroma 13

Share

Nakaneni tanapa ngiboro a ejie lu eraakasi ngika Yesu Kiristo, sodi tapalikis akachit ngakiro a eboyor kus alokasechan ka akisub na isakete esi akisub.

Warasi nyeemin ibore iche kiding kon ka itwaan niche, mati aminakin bon. Itwaan cha daang ni emina itwaan niche, iwapit ngakiro a etal.

Ejoikinit itwaan daang iwapit ngakiro a ngitunga alu esubete etich a arieng, kainyo erai nia Akuj ngesi itorunit apolou daang, ani lu eraakasi ngikapolok, Akuj ngesi ereikinit kesi apolou.

Esibit tokona adil akwaar edikino iwalari. Ejoikinit tokona ngoni kipalikini ngakiro daang na a aribu, atanapa ngiboro a ejie lu eraakasi ngika a akicha.

Itwaan ni emina ekidunyet keng, nyesubea niaronon. Kotere ngakiro nguna, erai amina akirichun etal daang.

Nakisi itwaan daang ibore ni erai ikeng, tobukokisi lu esakete echur, echur, tobuko ngaropiyae na esakio tobuko aloboro kus, ani ni ejoikinit erimae, kitoodiutu arima anikeng.