Popular Bible Verses from Ngiroma 12

Share

Warasi nyikwaanikinosi ngakiro na isubete esi ka na a ngitunga a akwap, kimiekisi Akuj kibele ngitai kus ani ilochokinotor ngitamen kus. Sodi topedoreta esi akiyen ngakiro na echamit Akuj. Toyena esi atamar nyoni ejok kori ejoikinit Akuj kori nyoni ikiuna.

Kongina bocha ngikaitotoi kang, kotere ni ejokia ajokis a Akuj aniyok noi, kemaimai ayong esi atamar, kimiekisi Akuj kibele ngitamen kus, tarata esi ngakipeyos na eyarete ani a Akuj, na italeunitoe kotere etich keng, nabo na ejoikinito Akuj. Akilip na iteni na ejoikinit esi iinakinete ngesi ngina.

Talakaros kotere ngakiro na igienosi esi, totitinyikisi ngichan, nabo kilipeeneta jiik.

Wara ngakiro naaronok nyikipiyosi iyong, kipiu naaronok anaajokak.

Tominakin make lokojokon kona iraakatar esi ngikaitotoi lukiristoi, nabo tominakisi akitoodiun atamar ikerer esi make.

Ejoikinit amina kus erai naka dir na emam amodeanut tani nadiochichi. Toremokin ibore niaronon, toneikin niajokon.

Anakiro cha kadaang ana eraakasi ngaka akiding kon, tasak lokojokon akisilit ka ngitunga daang.

Ngipaalon kang luminan, warasi nyiitachakis ngakiro naaronok na kisubere esi, nakaneni, kimiekineta Akuj nguna kainyo igiritae nagiran kona, “Ebala Ekapolon, eraakasi ngakiro a atachanakin naaronok ngaka a akiding kang, ayong ngesi atachakini.”

Kiberaketa alotich alo isubete warasi nyiikalanyaketa. Tosuba etich a Ekapolon a ngitai alu elemuna dir.

Ani kotere ajokis na aanyuni ayong ani a Akuj, kalimokinit ayong esi daang atamar, warasi robo nyiitamasi abe kipolok erai ikeunakasi. Nakaneni kitama na itemem ka esi, nabo kitemos alopit alo eriyan ka anupit na ianyut esi ani a Akuj.

Ani kisubea itwaan iyong ngakiro naaronok, wara nyiitachak. Tasak akisub ngakiro na ejoikinito ngitunga daang.

Tochoikisi ngitunga daang a epit a epei. Tojongoto akiwoga, ejoikinit iliworosi ngipaalon alu itasionosi. Warasi nyiitamasi kori iosok esi.

Ani eya nguna daang, igiritae nagiran atamar, “Ani kenyamit emoit kon akoro, kisimuj, ani kenyamit akure, kitamat, kainyo ani kikok iyong neni, irumete ngesi ngileech, tosub iwaak ngatotol na enokete nakou keng.”

Topiasi lu kiboliatar esi. Ee robo, tagata atamar topiarae kesi, meere kilamae. Talakaros aapei kangulu elakara, kikaloutu kangulu igorosi.

Kitomora ngikiristoi lu ichanasi ibore ni itingito esi, kilomuunutu ngipeyok nawiyei kus a apatanu.

Elalak nginerin a akwaan, eyeni ekinier daang etich lo esubi. Aloger alopei kangolo, tani kilalak ngoni, kimorikin ngoni ka Kiristo kirau akwaan apei, ekok itwaan daang ekinier ani eyei niche.