Popular Bible Verses from Ngiroma 14

Share

Kainyo meere apolou a Akuj aka ekimuje ka emase, nakaneni erai eka ateneanut ka ekisil ta alakara nakitaanyuni Etau a Akuj. Ani na esubea itwaan etich a Kiristo alopit kalo, ejoikini Akuj ka ngitunga eboyor keng.

Ani kiyari ngoni, erai Ekapolon kiyarea. Ani kitoaka ngoni erai Ekapolon ngesi kitoakea ngoni. Erai bocha ani kiyari ngoni kori kitoaka, kirai ngoni ngika Ekapolon.

Kongina bocha, ejoikinit ngoni ngirwa daang kineikina akiwapit ngakiro na erikito ekisil kanguna kingarakinete ngoni.

Tokona bocha, tapalikisi akirira make. Ejoikinit ngoni kitiekuni atamar nyikisubakini ibore ni isichwangakini lokaatoyok kori ni edakakini ngesi nakisech.

Kainyo igiritae nagiran kona, “Ebala Ekapolon, kona araakar ayong Akuj na ayari, eriediki itwaan daang alongaren kang, sodi tolim itwaan daang atamar arai Ayong Akuj.” Isisakini ipei yok daang Akuj ngakiro na asubi ngesi.

Tachamutu itwaan ni nyenupit lokojokon anikus, nakaneni warasi nyiitopega ngesi anakiro ana itamit ngesi atamar ayeni.

Ngae iyong irirae ekasuban etich a itwaan aniche? Erai Ekapolon keng etiakuni atamar ewei ngesi kori edakara. Nakaneni, esubi ngesi niajokon kainyo Ekapolon elope ngesi ingarakini ngesi tosub niajokon.